2 SAMUEL 3:39 - Pathien Lekhabu Inthieng (BSI)

³⁹ Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? Lalpain a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

2 SAMUEL 19:13

Chun, Amasa kuomah, ‘Ka ru le ka tisa i ni naw am a nih? Joab aia ka hmaa sipaihai hotua ka siem nawtâk che leh Pathienin a law law mi law el raw se, chu nêka nasa khawmin,’ a ti a, va ti ro,” tiin mi a tir a.

2 SAMUEL 19:22

Chun, David chun, “Nangni Zeruia naupasalhai, nangni hin in mi lo hriet pêk ding ieng am a um a? Vawisûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

2 SAMUEL 3:38

Chun, lal chun a siehlawhai kuoma chun, “Vawisûn hin Israel mi lien, mi ropuitak a thi ti in hriet naw am a nih?

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet lova a thaw a, kâwlhnâma a that leiin Lalpain a thisen chu ama lu chung ngeiah hung inlêttir a tih.

1 LALHAI 2:9

Chuongchun, thiemchang chun chu insuo naw rawh, mi var i ni si a, a chunga ieng anga thaw ding am a na ti hre el i tih; a lua kêlsam ṭo chu thisen leh thlânah în liemtir ding a nih,” a ta.

1 CHANCHIN SUINA 22:5

Chun, David chun, “Ka naupa Solomon hi a naupangin iengkhawm a hriet si naw a, Lalpa ta dinga in bâwl ding hi ropuitak a ni ding a na, ram po poa ropuitak le hming inthang tak el ding a ni si a; chuleiin, keiin buotsai ka tih,” a ta. Chuongchun, David chun a thi hma ngei chun nasatakin a buotsai ta a.

1 CHANCHIN SUINA 29:1

Chun, lal David chun mipui inkhâwmhai po po kuoma chun, “Ka naupa Solomon Pathienin ama ngei a hung thlang hi, a la naupangin a la dâwng a, sin hlak chu a nasa hle a; a in chu mihriem ta ding ni lovin, Lalpa Pathien ta ding a ni si a.

2 CHANCHIN SUINA 13:7

Chun, ama kuoma chun mi teplohai, mi hmangna bohai chu an inkhâwm a, Rehoboam chu a la naupanga, lungril dâwng a ni lai khan, anni chu Solomon naupa Rehoboam kalin an insukhrât a, ama chun a lo dang zo ta naw kha a na.

INPÂKNA HLABU 101:8

Tûk tin hi rama mi rilohai hi sukbohmang ka ta, Lalpa khawpuia inthawk hin thil suksuoltuhai po po sukbohmang dingin.

INPÂKNA HLABU 28:4

An thilthaw ang pei le, an thilthawhai a suolzie ang peiin thung la, An kuta an sinthaw ang peiin thung la; An suol man chu inhmutir rawh.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

INPÂKNA HLABU 7:16

A thil suksuolna chu ama lu chung ngeia chun hung kîr nâwk a ta, Nunsetaka a thilthaw chu ama lusîpa ngei hung tlâng a tih.

INPÂKNA HLABU 75:10

Mi rilohai ki po po khawm chu tanpêk ka ta, Mi felhai ki ruok chu suksângin um a tih.

FESUOKNA 21:12

“Miin mi dang a vuok a, a thi chun, ama khawm chu sukhlum ngei ding a nih.

THUVARHAI 20:8

Rorêlna lalṭhungphaa lal ṭhung chun, A mithaiin thil ṭha naw po po a hnawt dar.

THUVARHAI 25:5

Lal hmaa inthawk chun mi khawhlo chu la hmang la, A lalṭhungpha chu felnaa tungding nîng a tih.

ISAI 3:11

Mi suol chung chu a rik de! An la se ding a nih; an kuta thilthaw thungna chu an kuoma pêk a la ni ding a ni si a.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

JEREMIA 38:5

Chun, lal Zedekia chun, “Ngai ta u, in kuta um a nih annâwm; lal chu nangni kal zâwnga thil thaw thei mi ding a ni si naw a,” a ta.

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:4

ama chu i ṭhatna dinga Pathien rawngbâwltu a ni si a. Nisienlakhawm, thil suol i thaw chun ṭi rawh, kâwlhnâm chu a chawi mei mei si naw a; ama chu Pathien rawngbâwltu, thil suksuoltuhai chunga lunginsenna phuba latu a ni si a.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

RORELTUHAI 9:57

chun, Sekema mihai rîtlona po po khawm kha Pathienin a hung thung ve ta thung a: chun, Jerubbaal naupa Jotham ṭawngsie kha an chungah a hung tla ta a nih.