2 SAMUEL 3:20 - Pathien Lekhabu Inthieng (BSI)

²⁰ Chuongchun, Abner chu Hebrona David kuoma chun mi sâwmhni leh an fe a. Chun, David chun Abner le a kuoma mi sâwmhnihai ta ding chun ruoi a ṭhe a.

2 SAMUEL 3:20 ပူးပေါင်းရင်းမြစ်များ

INṬANNA 26:30

Chuongchun, an ta dingin ruoi an ṭhe a, an fâkin an dâwn ta a.

INṬANNA 31:54

Chun, Jakobin tlânga chun inthawina ân hlân a, a unauhai chu bei fa dingin a ko a; chuongchun, bei an fâk a, tlânga chun an riek ta a.

2 SAMUEL 3:19

Chun, Abner chun Benjamin mihai na hrieta chun a hril bawk a; chun, Abner chu Israel mihai le Benjamin sûng po pohaiin ṭha an ti ang taphawt Hebrona David na hrieta hril dingin a fe bawk a.

2 SAMUEL 3:21

Abner chun David kuoma chun, “Tho ka ta, i kuoma thu an thlung theina ding le, i duthusâm angtaka ro i rêl theina dingin Israel mi po pohai ka lalpa kuoma hin hung kei khâwm dingin fêng ka tih,” a ta. Chun, David chun Abner chu ân fetir a, chuongchun, lungmuongtak chun a fe ta a.

ESTHER 1:3

a rorêl a kum thumnaa chun a mi ṭhahai le a siehlawhai po po ta dingin ruoi a ṭhe a; Media le Persia ram thilthawtheihai, mi ṭhahai le lal nauhai, chu rambunga mihai chu a hmaa chun an um a;

1 SAMUEL 25:36

Chun, Abigail chu Nabal kuoma chun a hang fe a; chun, ngai ta, a ina chun lal ruoiṭhe ang elin ruoi a lo ṭhe a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril naw a.