2 SAMUEL 3:14 - Pathien Lekhabu Inthieng (BSI)

¹⁴ Chun, David chun Saula naupa Isboseth kuoma chun, “Philistin mihai ser vun za khata kân châwk ka nuhmei Mikal chu mi hung pe rawh,” tiin mihai a tir a.

2 SAMUEL 3:14 ပူးပေါင်းရင်းမြစ်များ

2 SAMUEL 2:10

(Saula naupa Isboseth chu Israel chunga ro a rêl ṭan lai chun kum sâwmli mi a na, kum hni ro a rêl a). Nisienlakhawm, Juda mihai chun David chu an pawm lem a.

2 SAMUEL 3:15

Chun, Isboseth chun mi a tir a, a pasal Lais naupa Paltiel kuom ngeia inthawk chun an ṭhuoi ta a.

2 SAMUEL 6:16

Chun, Lalpa bâwm chu David khuoa a lût lai chun Saula naunu Mikal chun tukvera inthawk hin a lo thlîr a; Lalpa hmaa David lâm le inchâwm chu a zuk hmu a, a hmusit lungril ta a.

MATTHAI 1:18

Chun, Isu Krista hung insiengzie chu hieng ang hi a nih: A nu Mari chu Josef le an inhuol laiin, an inpâwl hmain Thlarau Inthiengin ân raitir ti an lo hriet ta a.

1 SAMUEL 18:25

Chun, Saula chun, “David kuoma chun hieng ang hin ti ro khai, ‘Lal chun lal hmêlma phubalâkna dingin Philistin mihai servun za ti naw chu man ieng dang khawm a dit nawh,’ tiin,” a ta. Saula chun David chu Philistin mihai kuta inthitir a lungril tlat a.

1 SAMUEL 18:27

David le a mihai chu an tho a, Philistin mi za hni an va that a: David chun an ser vun chu a hung phur a, chuongchun, lal mâkpa a ni theina dingin lal chu kimtakin an pêk a. Chuongchun, Saula chun a naunu Mikal chu nuhmeiah ân neitir ta a.

1 SAMUEL 25:44

Saula chun a naunu Mikal David nuhmei kha Gallim khuoa Lais naupa Palti a lo inneitir tah a nih.