2 SAMUEL 24:22 - Pathien Lekhabu Inthieng (BSI)

²² Chun, Arauna chun David kuomah, “Lalpa ka pu chun âwm a ti chu la sienla, inhlân raw se, en ta, pumrawhmanga inhlân dingin bâwngchalhai chu an um a; chun, thing dingin hrizâwl hmangruohai le sebâwng thuomhnawhai chu a um bawk a.

2 SAMUEL 24:22 ပူးပေါင်းရင်းမြစ်များ

INṬANNA 23:11

“Ni lo e, pu, mi lo ngai ta, lo chu ka pêk che a, a sûnga pûk um khawm chu ka pêk bawk che; ka chipuihai nauhai mithmua hin ka pêk che a nih, i mithi chu phûm el rawh,” tiin.

1 LALHAI 19:21

Chun, ama a va zui chu a kîr a, sebâwng tuok khat a khal chu a that a, a sa chu sebâwng thuomhnawhai chun a suong a, mihai kuomah a sem a, an fâk ta a. Chuongchun, a tho a, Elija chu a zui a, a rawng a bâwlpêk ta a.

1 CHANCHIN SUINA 21:22

Chun, David chun Ornan kuoma chun, “Lalpa ta dinga maichâm ka siem theina dingin hi hrizâwl hmun hi mi pe rawh; a man huntâwk zet angin mi pêng i ta; mipuihaia inthawka hri ân kieng theina dingin,” a ta.

RORELTUHAI 6:26

chun, hi kul chunga hin kawngzâwng neitakin Lalpa i Pathien ta dingin maichâm siem la, bâwngchal pahnina chu la la, i phûr ding Asera thing chu hmangin pumrawhmang thilinhlân inhlân rawh,” a ti a.

1 SAMUEL 6:14

Tawlailîr chu Beth-semes khuoa mi Josua loa chun a hung lût a, lungpui lientak umna laia chun a ngîr ta zing a; chun, tawlailîr thing chu an chêk a, Lalpa biekna dingin bâwngpuihai chu pumrawhmang thil inhlân dingin an hmang ta a.