2 SAMUEL 24:13 - Pathien Lekhabu Inthieng (BSI)

¹³ Chuongchun, Gad chu David kuomah a fe a, a kuomah, “I rama hin kum sari ṭâm hung tlâk am, i hmêlma hmaa an hnawt sûng che a, thla thum lo tlân hmang hri am, i rama ni thum hri hung inlêng? a mi tirtu ieng angin am ka dawn ding a na, inngaituo la, mi hril raw khai,” a ta.

2 SAMUEL 24:13 ပူးပေါင်းရင်းမြစ်များ

2 SAMUEL 21:1

Chun, David damlai chun a kum bi sirin kum thum ṭâm a tla a; chun, David chun Lalpa chu a rawn a. Chun, Lalpa chun, “Thisen insuotu Saula le a sûnghai lei a nih; Gibeon mihai a that el si a,” a ta.

2 SAMUEL 24:12

“Fe la, David kuomah, ‘Lalpain hieng ang hin a tih; thil kawng thum ka ruotpêk che a, i chunga ka thaw dingin pakhat thlang rawh,’ a ti a,” tiin.

2 LALHAI 8:1

Chun, Elisa chun a naupa a sukdampêk nuhmei kuoma chun, “Tho la, nang le i sûnghai leh, in um theina hmun hmunah va um hri ro; Lalpain ṭâm ân tlâktir ding a nih; hi rama hin kum sari sûng zet a tla nghe nghe ding a nih,” tiin a lo hril ta a.

1 CHANCHIN SUINA 21:12

kum thum sûng ṭâm amanih; i hmêlmahai kâwlhnâmin a hnawt phâk pha che a, ihmêlmahai hmaa thla thum sûng sukbohmanga um amanih; annawleh, Israel ram sûng po poa Lalpa vântirkoin hung sukse a, ram sûnga hri hung inlêng a, Lalpa kâwlhnâm chu ni thum sûng tuor chu. Tuhin ngaituo la, ieng dawnna am a mi tirtu kuoma chun kân kîr nâwk ding a na,” a ta.

INPÂKNA HLABU 91:6

Inthim hnuoia hri inlêng hlak chu ṭî naw ti ni a, Sûn laia thil sukse hlak sietna chu ṭî bawk naw ti nih.

FESUOKNA 7:25

Lalpain Nile vadung a vuoka inthawkin ni sari a liem ta a.

EZEKIEL 14:13

“Mihriem naupa, bawsietna thil chu thawin ram chu ka chungah lo suol ta sienla, chun, keiin a chungah ka kut inletin, bei a ringsan chu suksein, a chunga chun ṭâmna tirin, amaa inthawk chun ramsa le mihriemhai khawm lo sât thla ta lang;

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw ni a, rama thinghai khawm chun ra an insuo naw ding a ni si a.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

LUKA 4:25

Chuongchun, indiktakin ka hril cheu, Elija dam laia kum thum le thla ruk vân a ping a, khawvêla ṭâm nasatak a hung tla khan, Israel ramah hmeithai tamtak an um a;

DÂN PAHNINA 28:22

Lalpain ngawrna dâm, khawsik dâm, invûngna dâm, pang satna dâm, kâwlhnâm dâm, ṭâwlna dâm, hmawnna dâmin hrem a ti cheu a, in bohmang hmakhat chun hnawt pei a ti cheu.

DÂN PAHNINA 28:25

Lalpain in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 28:27

“Sukdam ruollo, Aigupta khuoihli dâm, pânsie dâm, invûngna dâm, uithak dâmin Lalpain hrem a ti cheu.

DÂN PAHNINA 28:35

Lalpain in khûpahai, in kea dâm, sukdam theilo khuoihli na chi invawitir a ti cheu a, in kephaa inthawka in lusîp chenin.

DÂN PAHNINA 28:52

In ram po poa in ringpui, in kul insânghai a chim chenin in kul kawtkhâr po poah inhuol an ti cheu, Lalpa in Pathienin a pêk cheu in ram po poa in kul kawtkhâr po poah inhuol an ti cheu.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.