2 SAMUEL 23:5 - Pathien Lekhabu Inthieng (BSI)

⁵ Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

2 SAMUEL 23:5 ပူးပေါင်းရင်းမြစ်များ

INṬANNA 9:16

Chun, sumrisâng chu sûmah inzâm hlak a ta; chuongchun, Pathien le hnuoi chunga tisa um po po laia thilsiem hringna nei tinrêng inkârah kumkhaw thuthlung um chu ka hriet zing theina dingin en hlak ka tih,” a ta.

2 SAMUEL 12:10

Chuleiin, tu hin kâwlhnâm chun i insûng chu inkiensan naw tawp a tih, nang chun mi ngainêpin Hit mi Uria nuhmei chu i nuhmei dingin i lâkpêk ta si a.

2 SAMUEL 13:14

Nisienlakhawm, a râwl chu a ngai naw a, ama nêkin a hrât lem si a, a thawlui a, a zâlpui ta a.

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

2 SAMUEL 18:14

Chuongchun, Joab chun, “Hieng hin chu i kuomah ka um zing thei naw tawp el a,” a ta, fei pathum a chawi a, thingsaisuo laia Absalom dama lo la umzing lungkhura chun a sun a.

2 SAMUEL 7:12

I nihai a kina, i puhai kuoma i zâl pha chun, i hnunga i thla, i rîla ra ding chu tungding ka ta, a ram chu sukdet ka tih.

2 SAMUEL 7:18

Chuongchun, lal David chu a lût a, Lalpa hmaa chun a ṭhung a, “Aw Lalpa PATHIEN, tu am ka na, ka sûnghai tu am an na, hi chen chen hi i mi ṭhuoi?

1 LALHAI 1:5

Chun, Haggith naupa Adonija chu ama le ama inchawisângin, “Kei hi lal ka la ni ngei âwm hi maw, ” a ta, tawlailîr le sakawr chung chuong mihai, mi sâwmnga a hmaa tlân dinghai leh a buotsai a.

1 LALHAI 11:38

Chun, thu ka pêk ang taphawt che i pawm a, ka lampuihai i hraw a, ka siehlaw David anga ka thuruothai le ka thupêkhai zâwm dinga ka mithmua thilṭha i thaw chun i kuomah um pei ka ta, David kân ngîrpêk ang khan sûngkuo nghettak inngîrpêk ka ti che a, Israelhai hi pêng ka ti che.

1 LALHAI 12:14

tlangvâlhai remruotpui ang khan, “Ka pa chun in rîngkawl a lo sukrik a, kei chun chu in rîngkawl chu ka belsa ding a nih, ka pa chun vuoknain a lo hrâwk hlak cheu a, kei chun chu ainuvêtin ka hrâwk lem ding cheu a nih,” a ta.

INPÂKNA HLABU 111:9

Ama chun a mihai kuomah intlanna a hung tir a, A thuthlung chu kumkhuoa dingin a ruot a, A hming chu ân thiengin inza a um a nih.

INPÂKNA HLABU 119:81

Ka hringna hi i sandamna ngaiin a chau ta a, Nisienlakhawm, i thu ka beisei hlak.

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 62:2

Ama chau chu ka lungpui le a mi sandamtu a nih; Ka kulbîng insâng a na, nasatak chun inhnîng naw ningah.

INPÂKNA HLABU 89:3

Nang chun i hril ta si a; Ka mi thlang kuoma chun thu ka thlung a, Ka siehlaw David kuoma chun ṭawng kân khâm ta a,

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 27:6

Hun la hung tlung dinga chun Jakobhai chun zung kei an ta; Israelhai chu kumûmin pâr an tih; chuongchun, hnuoi chung hi rain suksip an tih.

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 61:8

Kei Lalpa hin rorêlna fel ka ngaina hlak si a, khawhlotaka inram el hi ka theida hlak a, chuongchun, anni ka thungna chu titakmeuin an kuomah pêng ka tih, an kuomah kumkhaw thu thlung bawk ka tih.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 33:21

chuong ang bawk chun a lalṭhungphaa ṭhung ding naupasal nei lo dingin ka siehlaw David le ka thuthlung khawm hi suksiet thei nîng a tih; ka rawngbâwltuhai, thiempuhai le Levi mihai le thuthlunghai khawm chu.

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, sukpung ka ta, anni laia chun ka hmun inthieng chu kumkhawtluongin sie tâng ka tih.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

THILTHAWHAI 13:34

Hmawnna hmuna fe nâwk lo dingin Pathienin ama chu mithi laia inthawkin a keitho dingzie thu chu hieng hin a hril a nih, ‘David kuoma lunginsietna ka itiem tlathai kha nanga kuomah pêng ka che,’ tiin.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

HEBRAIHAI 6:19

Chu beiseina chu thlarau ta dinga thîrchakai angin him le dettakin ei nei a nih. Chu chu puonzâr hliea hmun thienghlimah chun a lût a,

1 SAMUEL 2:35

Chun, thiempu ringumtak ka ta dingin indin ṭha nâwk ka ta, ama chun chu ka lungril le ka lung tuokzâwngin thâwng a tih. Chun, sûngkuo dettakah inngîr ka ta, kumkhuoin ka hriek nâl hmaa chun um a tih.

1 SAMUEL 25:28

Ka hni che a nih, i siehlawnu suolna hi ngaidam rawh, Lalpa chun ka pu hi sûngkuo nghettakah indin ngei ngei a ta, ka pu hi Lalpa indonahai do a ni si a; i dam sûng po po chun nangmaa chun suolna hrim hrim hmu ding um naw nih.