2 SAMUEL 23:16 - Pathien Lekhabu Inthieng (BSI)

¹⁶ Chuongchun, sipai huoisen pathumhai chun, Philistin sipaihai chu an nêr thleng a, kul kawtkhâr kâwla mi, Bethlehema tuisunsuo chu an va thâl a; an chawi a, David kuomah an fepui a, nisienlakhawm, a lo dâwn nuom naw a, Lalpa ta dingin a bunthlâk ta lem a.

2 SAMUEL 23:16 ပူးပေါင်းရင်းမြစ်များ

INṬANNA 35:14

Chun, a biekna hmuna chun Jakobin ban (lung ban) a phun a, a chunga chun thilinhlân dâwn mi a buok a, a chungah sahriek a buok bawk a.

2 SAMUEL 23:9

Chun, a dawttu chu Aho mi naupa Dodai naupa Eleazar a na, ama chu Philistin mihai indo dinga an pungkhâwm a, an cho a, Israel mihai an fe hmang vawng laia David kuoma sipai huoisen pathumhai laia pakhat kha a nih.

1 CHANCHIN SUINA 11:18

Chuongchun, mi pathumhai chun Philistin sipaihai chu an nêrthleng a, kul kawtkhâr bula Bethlehema tuisunsuoa inthawk chun tui chu an va chawi a, an hung lâk a, David kuomah an hung lâk ta a: nisienlakhawm, David chun tui chu a dawn naw a, Lalpa kuomah a bunthlâk ta lem a.

THUHRILTU 4:12

Mi makhâta um chu hne el thei ni sien khawm, pahni chun lo dodâl thei an tih. Hruol zai thum neia siem chu awlrawnga suktan a ni ngai nawh.

ṬAP HLA 2:19

Tho la, vêng ṭantirna huna chun, zânah khêk rawh; Lalpa hmaihmaa chun i lungril chu tui angin bunthla la, I nau le têhai hringna dingin ama tienga chun i kuthai phar rawh, Chuong kawtthlêr tâwp tina phîngṭâma châuhai ta ding chun.

NAMBAR 28:7

Chun, Berâmte pakhat inhlânnaa dâwnmi thilinhlân chu, hin hmun lia ṭhea hmun khat a ni ding a nih; Lalpa ta dinga uoin, dâwn ding thilinhlân chu hmun inthiengah i bun suok ding a nih.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:7

Mi fel ta dinga thi nuom mi an vâng hle âwm si a, mi ṭha ta ding ruok chun mi tûamani bêk chun thi a lo ngam khiet rawi mawh.

2 KORINTH 5:14

Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thi a, chuleiin, mi po po chu an thi a nih.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

1 SAMUEL 19:5

thi dâwn lovin Philistin mi kha a thaw a, chun Lalpain Israel mihai po po sandamna ropuitak a thawsuokpêk a, chu chu nang khawma i hmu a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.

1 SAMUEL 7:6

Chuongchun, Mizpaa chun an fe khâwm ta a; chun, tui an chawi a, Lalpa hmaa chun an bunthlâk a, chu ni chun bu an nghei a, chutaka chun, “Lalpa chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêlpêk a.