2 SAMUEL 23:14 - Pathien Lekhabu Inthieng (BSI)

¹⁴ Chuong lai chun David chu kulbîngah a um a, chuong lai bawk chun Philistin sipaihai chu Bethlehemah an um a.

2 SAMUEL 23:14 ပူးပေါင်းရင်းမြစ်များ

INṬANNA 35:19

Chuongchun, Rakil chu a thi a, Ephrath lampuia chun an phûm a (Ephrath chu Bethlehem a nih).

2 SAMUEL 5:17

Philistin mihai chun David chu Israelhaiin lala um dingin hriek an nâl ti an hrietin Philistin mihai po po chu David zawng ding chun an hang fe ta a; David chun chu chu a lo hrietin a kulbînga chun a fe a.

1 CHANCHIN SUINA 12:16

Chun, chutaka chun Juda le Benjamin mihai chu David kuomah kula chun an hung a.

1 SAMUEL 10:5

Chu hnunga chun Philistin sipaihai umna Pathien tlâng chu va tlung i ta, chun, chutaka khuo i va tlung chun zâwlneihai perkhuong dâm, khuongtê dâm, theihle dâm, ṭingṭang dâm chawihai hma ṭhuoia bâwlhmuna inthawka hung thla intuokpui i ta; chun, thu hril duol duol an ta;

1 SAMUEL 13:23

Chun, Philistin râl vêngtu sipaihai chu Mikmas kâwna chun an suok ta a.

1 SAMUEL 13:4

Chun, Israelhai po po chun Saula chun Philistin râl vêngtu sipaihai a thaw ti le Israelhai khawmin Philistin mihai theida an phur a nih ti an lo hriet ta a. Chuongchun, a mipuihai chu Gilgala chun Saula kuomah an pungkhâwm ta ṭeu el a.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 22:1

Chuongchun, David chu chutaka inthawk chu a suok a, Adullam pûkah a tlân ta a; chun, a unauhai le a pa sûngkuohai po poin an lo hriet chun chutaka chun a kuomah an zu fe a.

1 SAMUEL 24:22

Chuongchun, David chun Saula kuoma chun ṭawng ân khâm ta a. Chun, Saula chu a fe ta a, David le a mihai ruok chu kulbînga chun an hang fe ta a.