2 SAMUEL 22:9 - Pathien Lekhabu Inthieng (BSI)

⁹ A hnâra inthawk chun meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta dur dur a.

2 SAMUEL 22:9 ပူးပေါင်းရင်းမြစ်များ

2 SAMUEL 22:13

A hmaa varna lei chun, Meilinghai chu a chawk a.

2 SAMUEL 22:16

Chu phingleh Lalpa kâwkna leia, A hnâra inthuok suokin a mût rak lei chun, Leihnuoi innghatnahai chu suklangin a um ta a.

JOB LEKHABU (THE BOOK OF JOB) 4:9

Pathien thuokin an bohmang a; A lunginsenna imûtin an kânghmang hlak.

INPÂKNA HLABU 18:15

Chu phingleh, Aw Lalpa, i kâwkna leiin, I hnâra inthuok suok chun a mût rak leiin, Tui luongnahai chu a hung inlang a; Leilung innghatna chu suklangin a um ta a.

INPÂKNA HLABU 18:8

A hnâra inthawk chu meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta hum hum a.

FESUOKNA 19:18

Lalpa chu meichawka a hung ṭum leiin, Sinai tlâng po po chu a khu ta vawng el a; chu khu chu rawtuina meikhu angin ân tung ta lui el a: tlâng chu nasatakin ân hnîng bawk a.

FESUOKNA 24:17

Israel mihai mita Lalpa ropuina inlang dân chu, tlâng sîpa chun kânghmangna meichawk ang a nih.

ISAI 30:27

Ngai ta, Lalpa hming chu, a lunginsennaa chawk hlut hlut meikhu sâmup intung lui lui lai chun, hlataka inthawkin a hung ie; a hmûrhai chu lungninawnain a sip a, a lei chu thil kânghmang mei ang a na;

ISAI 30:33

Topheth pakhat chu inhma daia lo buotsai tah a ni si a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; Lalpa thuok, kât vadung luong ang chun a sukkâng dur dur a.

JEREMIA 15:14

Chun, i hmêlmahai le ram i hriet ngai nawa chun infetir ka ti che a, ka lunginsen chun mei chu sêm a na, i chungah chawk kumkhuong a tih.

JEREMIA 5:14

Chuleiin, Lalpa, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

HABAKKUK 3:5

A hmaa chun hri chu a fe a; A kehaia inthawk chun meiling inling a fe suok a.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.

HEBRAIHAI 12:29

ei Pathien hi mi kâng bohmang mei a ni si a.