2 SAMUEL 22:7 - Pathien Lekhabu Inthieng (BSI)

⁷ Ka lunginzîngin Lalpa chu ka ko a, Anih, ka Pathien chu ka ko hlak. Chun, ama chun a biekina inthawk chun ka râwl chu a hriet a, Chun, ka khêkri chu a naa chun a lût ta a.

2 SAMUEL 22:7 ပူးပေါင်းရင်းမြစ်များ

INPÂKNA HLABU 107:6

Chu phingleh an buoinaa chun Lalpa chu an ko ta a, Ama chun an lunginzîngnaa inthawk chun a sanhim a.

INPÂKNA HLABU 116:4

Chu phingle chun Lalpa hming chu ka ko a, “Aw Lalpa, lunginsiettakin ka hringna hi sanhim rawh,” tiin.

INPÂKNA HLABU 120:1

Ka lunginzîng ni chun Lalpa chu ka ko a, Chuongchun, ama chun a mi hung dawn a.

INPÂKNA HLABU 18:6

Ka lunginzîngin Lalpa chu ka ko hlak a, Ka Pathien ka ko hlak; Ama chun a biekina inthawk chun ka râwl chu a hriet a, A hmaa ka khêkri chu a naah a lût ta a.

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 34:6

Hi mi rimsi hi a khêk a, Lalpa chun a lo hriet a, A lunginzîngna po poa chun a sansuok ta a.

FESUOKNA 3:7

Chun Lalpa chun, “Aiguptaa ka mihai rimsikzie chu feltakin ka hmu a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

JONA 2:4

Chun, ‘I mithmua inthawka pei suok ka na, Nisienlakhawm, i biekin inthieng tieng ngha nâwk ka tih,’ ka ta.

JONA 2:7

Ka hringna chu ka sûnga a chau lai chun, Lalpa chu ka hriet zing a; Ka ṭawngṭaina chu i biekin inthienga chun i kuomah a hung tlung a nih.

HABAKKUK 2:20

Lalpa ruok chu a biekin inthienga chun a um a, Leihnuoi po po chu a hmaah to ṭhiep raw se.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.