2 SAMUEL 22:47 - Pathien Lekhabu Inthieng (BSI)

⁴⁷ Lalpa chu a hring zing a, ka lungpui chu inpâkin um raw se; A mi sandamna lungpui, Pathien chu chawimawiin um raw se.

2 SAMUEL 22:47 ပူးပေါင်းရင်းမြစ်များ

2 SAMUEL 22:3

Ka lungpui, Pathien ama chu ring ka ta, Ka phaw le ka sandamna ki, ka kulbîng insâng le kân humhimna a nih; Ka sandamtu, nangin inpâwngnêknaa inthawkin i mi sandam hlak.

JOB LEKHABU (THE BOOK OF JOB) 19:25

Amiruokchu, ka tlantu chu a hring a nih ti ka hriet a, A tâwpa chun hnuoi chunga hin la ngîr ngei a tih.

INPÂKNA HLABU 89:26

Ama chun, ‘Nang chu ka pa, Ka Pathien, ka insandamna lungpui i nih,’ tiin mi ko a tih.

INPÂKNA HLABU 89:27

Chun, keiin ama chu nau lutîrah siem ka ta, Hnuoia lalhai lai chun a chunghnungtakah siem ka tih.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

LUKA 1:47

Ka thlarau khawm a mi sandamtu Pathien chungah a lâwm bêk bêk a,