2 SAMUEL 22:46 - Pathien Lekhabu Inthieng (BSI)

⁴⁶ Hnam danghai chu an lungril a beidawng zo a, An kulbînghaia inthawk dâm chun inthin pumin hung suok an tih.

2 SAMUEL 22:46 ပူးပေါင်းရင်းမြစ်များ

ISAI 2:19

Chun, hnuoi hi nasatak taka sukhnîng dinga a tho pha chun, Lalpa ṭiumnaa inthawk le a mawina ropuinaa inthawk chun mihai chu lungpui pûkahai le hnuoi kuoahai chun lût an tih.

ISAI 2:21

hnuoi hi nasatak taka sukhnîng dinga a tho pha, Lalpa ṭiumnaa inthawk le, a mawina ropuinaa inthawk chun, lungpui pûkahai le râwl lungpui kakahai chun lût an tih.

ISAI 64:6

Mi inthieng naw angin kan lo um vawng ta si a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

AMOS 9:3

Karmel tlâng sîpah inbihmang hai sien khawm, zawng suok ka ta, chutaka inthawk chun anni chu la thlâng ka tih; chun, tuisuoriet mawngah ka mithmu nawah inbihmang hai sien khawm, chutaka rûl chu thu pêng ka ta, anni chu chuk a tih.

MIKA 7:17

Rûl angin pilvut liek an ta; hnuoia bawkinvâka fehai angin an umna kuoa inthawk chu inthin pumin hung an ta; Lalpa ei Pathien kuoma chun ṭi pumin hung an tih; nangma leiin an ṭi ding a nih.

JAKOB 1:11

Nisa a hung suok a, thli lumtak a hung hrângin, hlo chu a sukvuoi a; chun a pâr chu a rêm a, a um dân mawizie chu a bohmang hlak; chuong ang bawkin mi hausa chu a fenaa chun a la vuoi ding a ni si a.

1 SAMUEL 14:11

Chun, an pahni chun Philistin mi râl vêngtu sipaihai hmuna chun an vân suklang a, chun, Philistin mihai chun, “En ta u, Hebrai mihai an inbîkna khursûnga inthawkin an hung suok tah,”an ta.