2 SAMUEL 22:43 - Pathien Lekhabu Inthieng (BSI)

⁴³ Chu phingle chun hnuoia pilvut ang elin ka vuok phit a, Khawlai chirhak ang elin ka sukhmât a, ka sukdar ta a.

2 SAMUEL 22:43 ပူးပေါင်းရင်းမြစ်များ

2 SAMUEL 7:9

chun, i fena taphawtah i kuomah ka um pei a, i hmaa chun i hmêlmahai ka sukbo pei a, hnuoia mi ropuitakhai hming ang hming ropuitak siempêk ka ti che.

2 LALHAI 13:7

Jehoahaz chu a mihai laia sakawr chung chuong mi sâwmnga le tawlailîr sâwm le, sipai sîng khat ti naw chu nei a phalpêk si naw a, Suria lal chun a sukbohmang vawng a, pilvut childip ang elin a siem a nih.

INPÂKNA HLABU 18:42

Chu phingleh, pilvut thli ilên ang el hin ka vuok nâwi neng a, Tuollaia chirhak ang el hin ka peihâwn ta a.

INPÂKNA HLABU 35:5

Lalpa vântirkoin khal peiin, Busî thli ilên angin um raw se.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 26:15

Hi hnam hi i sukpung ta a, aw Lalpa, hi hnam hi i sukpung tah; nang chu chawimawiin i um ta a, hi ram hi a ramri po po chu i suklien tah.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwlhnâm kuomah a pêk a, busi thli imût lêng angin a thalngul kuomah a pêk bawk a.

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

DANIEL 2:35

Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi ta a; nipui laia hrizâwlhaia busi ang el an hung ni ta a; chun, anni ta ding hrimin hmun hmu a ni ta naw a, thli chun a lên hmang vawng ta a; chun, kha lung milim deltu kha tlâng ropuitak a hung na, khawvêl po po a hluo sip ta a.

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

ZEKARIA 10:5

Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

ZEKARIA 2:6

“Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

DÂN PAHNINA 32:26

‘Sukdar vawng ka ta, Mihriem laia anni hrietzingna chu sukbohmang dai ka tih,’ lo ti hiel tâng ka tih.