2 SAMUEL 22:33 - Pathien Lekhabu Inthieng (BSI)

³³ Pathien chu ka kulpui nghettak a na, Mi ṭha famkim chu a lampuiah a ṭhuoi hlak.

2 SAMUEL 22:33 ပူးပေါင်းရင်းမြစ်များ

2 SAMUEL 22:2

chuongchun, ama chun: “Lalpa chu ka lungpui le ka kulpui le a mi sanhimtu a na, ka ta ngei a nih;

JOB LEKHABU (THE BOOK OF JOB) 22:3

Mi fel i ni hi Iengkimthawthei ta ding chun ieng am lâwmna ding a um a? Annawleh, i lampuihai chu i sukṭha famkim hin ama ta dingin hlâwkna a um am a nih?

INPÂKNA HLABU 101:2

Kawng ṭha famkima chun vartakin um ka ta, Aw iengtik âm ka kuomah hung i ta? Ka in sûngah lungril ṭha famkim putin um ka tih.

INPÂKNA HLABU 101:6

Hi rama mi ringumhai chunga hin ka mit fûng a ta, ka kuoma an um theina dingin; Kawng ṭha famkim hrawtu chun, ama chun ka rawng bâwl a tih.

INPÂKNA HLABU 119:1

Kawnglama mi ṭha famkimhai chu an hamṭha ie, Lalpa dân hrawtuhai chu.

INPÂKNA HLABU 18:32

Hrâtnaa ka tâia mi khittu le, Ka lampui sukṭha famkimtu Pathien chu.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 32:8

I fena ding lampui chu inchûktirin, kâwkhmûng ka ti che a, Ka mita en zing pum chein rem ruotpêk ka ti che.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

DÂN PAHNINA 18:13

Lalpa in Pathien hmaa chun demkailo in ni ding a nih.

PHILIPPI 4:13

A mi sukhrâttu Krista zâra chun iengkim ka thaw thei a nih.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.