2 SAMUEL 22:3 - Pathien Lekhabu Inthieng (BSI)

³ Ka lungpui, Pathien ama chu ring ka ta, Ka phaw le ka sandamna ki, ka kulbîng insâng le kân humhimna a nih; Ka sandamtu, nangin inpâwngnêknaa inthawkin i mi sandam hlak.

2 SAMUEL 22:3 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

2 SAMUEL 22:31

Pathien chu a lampui a ṭha famkim a, Lalpa thutiem chu ândikzie sukchieng a ni tah. Ama ringtuhai po po ta dingin ama chu phaw a nih.

2 SAMUEL 22:47

Lalpa chu a hring zing a, ka lungpui chu inpâkin um raw se; A mi sandamna lungpui, Pathien chu chawimawiin um raw se.

2 SAMUEL 22:49

A mi dotuhaia inthawka a mi la suoktu, Anih, nangin a mi thawtuhai chungtieng chun i mi dawm kâng a; Mi nunsiea inthawk chun i mi sanhim hlak.

2 SAMUEL 22:51

Ama chun sandamna ropuitak a lal a pêk hlak a; A hrieknâl chungah, David le a thlahai chung ngeia chun, Kumkhuoin a zainêmzie inlangtir a tih,” a ti a.

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

INPÂKNA HLABU 14:6

Mi rimsi remruot chu in sukmuolpho hlak a, Lalpa chu ân humhimna a ni leiin.

INPÂKNA HLABU 140:1

Aw Lalpa, mi suola inthawk chun mi sanhim la, Mi nunrâwnga inthawk chun mi humhim rawh.

INPÂKNA HLABU 140:11

Thu ṭha naw hriltu chu hnuoia hin sukdetin um naw ni a, Mi nunrâwng sukse dingin thil ṭha nawin tlâkbuok a tih.

INPÂKNA HLABU 140:4

Aw Lalpa, mi rilo kuta inthawk chun mi vawng ṭha la, Mi nunrâwnga inthawk chun mi humhim rawh; Anni chun ka ke pênhai hi nam kâwi an tum a.

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

INPÂKNA HLABU 144:2

Ka ngilneina le ka kulpui, Ka kulbîng insâng le a mi sandamtu, Ka phaw le ka ringna innghatna; Ka hnuoia ka mihai tukdawl hlaktu chu a nih.

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 27:5

Lunginzîng ni chun a bûktêah a mi sie hmang âwm si a, A humhimna puon ina chun mi thuphmang a tih; Lungpui chungah mi dawm kai a tih.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 3:3

Nisienlakhawm, aw Lalpa, nang chu ka vêlin ka phaw i na, Ka ropuina le ka lu dawm kângtu i nih.

INPÂKNA HLABU 32:7

Nang chu kân bîkhmangna hmun i na, nang chun lunginzîngnaa inthawk mi humhim i ta, Sanhimna hlahaiin mîn huolvêltir i tih.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:2

Chuleiin, leilung hi hung danglamin, Tlânghai hi tuisuoriet sûng daiah insawn sien khawm ṭi nâwng ei ta;

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 5:12

Mi fel chu mal i sâwm ding a ni si a, Aw Lalpa, ama chu phâw angin ditsaknain în huol vêl ding a nih.

INPÂKNA HLABU 55:9

Aw Lalpa, an lei chu suksiein sukthlêr la, Khawpuia chun inpâwngnêkna le inkhîkinkhalna ka hmu si a.

INPÂKNA HLABU 59:16

Nisienlakhawm, kei chun i hrâtna thu hi hlain sak ka ta, Anih, zîngkâr chun i ngilneina thu hi hlimtakin hlain sak ka tih: Nang chu ka kulbîng insâng, Ka lunginzîng nia kân humhimna i ni si hlak a.

INPÂKNA HLABU 61:3

Nang chu keia ta dinga humhimna, A mi dotuhaia inthawka râlvêngbûk insâng dettak i ni si a.

INPÂKNA HLABU 71:7

Mi tamtak ngaiin thilmak ang ka na, Nisienlakhawm, nang chu kân humhimna dettak i nih.

INPÂKNA HLABU 72:14

An hringna chu nêksâwrna le nunsietnaa inthawkin intlan a ta, An thisen chu ama ngai chun hlutak a ni ding a ni si a.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 84:9

Aw Pathien, kan phaw tak, en ta, I hrieknâl pa hmêl hi en ta.

INPÂKNA HLABU 86:14

Aw Pathien, mi chapohai chun an mi thaw a, Mi nunse um khâwmhai chun ka hringna hi sukbo tumin an zawng a, Nang chu an hmaah an sie ngai naw che.

INPÂKNA HLABU 9:10

Chuongchun, i hming hretuhai chun ring an ti che a, Nang chun chu, Lalpa, nangma zawngtuhai che chu i mâksan ngai si naw a,

INPÂKNA HLABU 9:9

Chuongchun, Lalpa chu nêksâwra umhai ta ding chun kulbîng insâng nîng a ta. Lunginzîng huna chun kulbîng insâng lo nîng a tih.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

THUVARHAI 30:5

Pathien thu tin chu sukthiengin a um a, Ama ringtuhai ta ding chun ama chu phaw a nih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 16:9

Israel Pathien sipaihai Lalpa chun hieng hin a ti si a: Ngai ta u, i nihaia hin, in mithmua inthawkin hlimna râwl ri dâm, lâwmna râwl ri dâm, mo neitu râwl ri dâm le monu râwl ri dâm chu hi hmuna inthawk hin ka suktâwp ding a nih.

LUKA 1:47

Ka thlarau khawm a mi sandamtu Pathien chungah a lâwm bêk bêk a,

LUKA 1:69

A siehlaw David sûnghai lai chun, Sandamna ki a mi siempêk ta si a;

LUKA 1:71

Ei hmêlmahai le a mi theidatuhai po po kuta inthawka mi sansuok dinga a lo intiem thu dâm;

DÂN PAHNINA 32:37

Hieng ang hin tîng a tih, ‘Khâwlai am an pathien, An inhumhimna lungpui chu,

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

TITA 3:4

Nisienlakhawm, Pathien ei Sandamtu ngilneizie le, mihriem chunga a hmangaizie chu a hung inlang lai khan,

TITA 3:6

Chun, Thlarau Inthieng chu Isu Krista ei sandamtu zâra chun nasatakin ei chungah a buok kha.

HEBRAIHAI 2:13

Chun, “Amaah ka ringna innghat ka tih,” a ti nâwk a. Chun, “En ta u, kei le, Pathien mi pêk naupanghai hi,” a ti nâwk bawk a.

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.

1 SAMUEL 2:2

Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;