2 SAMUEL 22:25 - Pathien Lekhabu Inthieng (BSI)

²⁵ Chuleiin, Lalpa chun ka felzie ang peiin a mi lo thung ta a; A mithmua kân thiengzie ang peiin.

2 SAMUEL 22:25 ပူးပေါင်းရင်းမြစ်များ

2 SAMUEL 22:21

Lalpa chun ka felzie ang peiin ka chungah a thaw a, Ka kuthai ân thieng ang ngeiin a mi thung a nih.

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i sie pêk a, a lalṭhungphaa ṭhung ding naupa i pêk a, vawisûna a hung um ta ang ngei hin.

THUVARHAI 11:31

Ngai ta, mi fel chu hnuoia hin thung nîng a ta, Mi suol le mi khawhlohai khawm chu thung an va ni nasa awm de!

THUVARHAI 5:21

Mihriem lampuihai chu Lalpa mithai hmaah a um si a, Ama chun a lampuihai po po chu a siemruol hlak.

ISAI 3:10

Mi fel thua chun, “An la ṭha ding a nih,” ti ro; an thilthaw rahai chu an fâk ding a ni si a.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

1 SAMUEL 26:23

Chun, Lalpa chun mi tin an fel man le an ringumna man a pêk ding a na, vawisûn hin Lalpa chun nang hi ka kutah a pêk che deh a chu Lalpa hrieknâl chungah ka kut kân let nuom naw a nih.