2 SAMUEL 22:22 - Pathien Lekhabu Inthieng (BSI)

²² Lalpa lampuihai chu ka hraw a, Ka Pathien kuoma inthawk chun suoltakin ka fe hmang ngai si naw a.

2 SAMUEL 22:22 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

1 LALHAI 9:4

Chun, nang khawm hi thu ka pêk ang taphawt chea thaw dinga i pa David um anga lungril ṭhatak put le lungril indiktak puta ka mithmua i uma, ka thuruothai le ka rorêlhai i pawm zing chun.

INPÂKNA HLABU 119:1

Kawnglama mi ṭha famkimhai chu an hamṭha ie, Lalpa dân hrawtuhai chu.

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 128:1

Lalpa ṭî taphawt chu an hamṭha ie, A lampui hrawtuhai chu.

INPÂKNA HLABU 18:1

Aw Lalpa ka hrâtna, ka hmangai che.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan ta a.

THUVARHAI 8:32

Chuleiin, tuhin, ka naupasalhai mi lo ngai unla, Ka lampui hrawtuhai chu mi hamṭha an ni si a.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

NAMBAR 16:15

Chuongchun, Mosie chu a lung a sen hle el ta a; Lalpa kuomah, “An thilinhlân chu pawm naw rawh, an sabengtung chu pakhat khawm ka lâk naw a, tukhawm ka sukna bawk nawh,” a ta.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

1 SAMUEL 12:3

Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.