2 SAMUEL 22:1 - Pathien Lekhabu Inthieng (BSI)

¹ Chun, David chun a hmêlmahai po po kuta inthawk le Saula kuta inthawk Lalpain a sansuok ni chun hi hla thu hi Lalpa kuomah a hril a;

2 SAMUEL 22:1 ပူးပေါင်းရင်းမြစ်များ

2 SAMUEL 12:7

Chuongchun, Nathan chun David kuomah, “Chu mi chu nang hi i nih, Lalpa, Israelhai Pathien chun hieng ang hin a tih, Israelhai lal ni dingin hriek ka nâl che a, Saula kuta inthawkin ka sansuok che a;

2 SAMUEL 22:49

A mi dotuhaia inthawka a mi la suoktu, Anih, nangin a mi thawtuhai chungtieng chun i mi dawm kâng a; Mi nunsiea inthawk chun i mi sanhim hlak.

1 CHANCHIN SUINA 16:7

Chun, chu ni chun David chun Asaph le a unauhai Lalpa hmaa lâwmthu chu inhlân dingin a ruot hmasatak a.

INPÂKNA HLABU 34:19

Mi fel rinumnahai chu a tam a, Nisienlakhawm, chuong po poa chun Lalpain a sansuok hlak.

INPÂKNA HLABU 50:14

Pathien kuoma lâwmthu hrilna inthâwina inhlân lem la, I thutiem khawm Achunghnungtak kuomah hlen rawh.

FESUOKNA 15:1

Chun, Mosie le Israel mihai chun Lalpa kuomah hi hla hi an sak a, “Ropuitaka a hne ta leiin Lalpa kuomah hla sak ka tih. Sakawr le a chunga chuong chu tuipuiah a pei lût a.

2 KORINTH 1:10

Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,

DÂN PAHNINA 31:30

Chuongchun, Mosie chun Israel mi pungkhâwmhai po po hrieta chun hi hla hi a tâwp chenin a hril vawng a:

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

RORELTUHAI 5:1

Chuongchun, Debora le Abinoam naupa Barak chun chu ni chun hla an sak a:

1 SAMUEL 23:14

Chun, David chu thlalêrah, kulbîng nghettakahai a um a, Ziph thlalêr tlâng ramah a um ta zing a. Chun, Saula chun ama chu ni tin hin a zawng a, nisienlakhawm, Pathienin a kutah a pêk nawh.

1 SAMUEL 24:15

Chuleiin, Lalpa chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 25:29

Nangma hnawt ding che le i hringna sukbo dingin mihai hung inthawk hai sien khawm, Lalpa i Pathien chun ka pu hringna hi vênghim tlat a ta; i hmêlmahai hringna ruok chu vailungdênga dêng angin dêng hmang dai a tih.

1 SAMUEL 26:24

Ngai ta, vawisûna i hringna ka ngaihlutpêk che ang bawk hin Lalpa chun ka hringna hi mi ngaihlupêk sienla, lunginzîngna po poa inthawk hin mi sansuok raw se,” a ta.

1 SAMUEL 27:1

Chun, David chun a lungrilin “Iengtika mani chu Saula kuta hin ka la bohmang ngei ding chu a ni hi; Philistin mihai rama tlânhmang nêka ṭha hi a um naw ding a ni hi; chuongchun, Saula’n Israel ram sûng po poa a mi zawng hi beidawng tâng a ta, chuongchun, a kuta inthawka suok nîng ka tih,” a ta.