2 SAMUEL 20:9 - Pathien Lekhabu Inthieng (BSI)

⁹ Chun, Joab chun Amasa kuoma chun, “Unaupa, i ṭha pei de maw?” a ta. Chun, Joab chun Amasa chu fâwp tumin a khâkhmul chu a kut changtiengin a chel a.

2 SAMUEL 20:9 ပူးပေါင်းရင်းမြစ်များ

2 SAMUEL 15:5

Hieng ang khawm hin a thaw a, tukhawm ama chibai bûk dinga hang hnai taphawthai chu a lo ban a, a chel a, a lo fâwp hlak a.

2 SAMUEL 17:25

Chun, Absalom chun, Joab aiah Amasa chu sipaihai hotuah a sie a. Amasa chu mi pakhat a hming Ithra, Ismael mi, Joab nu Zeruia zuorpuinu Nahas naunu Abigail pâwltu naupa a nih.

2 SAMUEL 18:29

Chun, lal chun, “Tlangvâl Absalom kha a la dam de maw?” a ta. Chun, Ahimaaz chun a dawn a, “Joabin lal siehlaw, kei i siehlaw ngei hi a mi tirsuok laiin an buoi mur mur ka hmu a; nisienlakhawm, ieng ang char a ni chu ka hriet nawh,” a ta.

2 SAMUEL 3:27

Chun, Abner chun Hebron a hung tlung chun Joab chun kul kawtkhârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum ta a.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet lova a thaw a, kâwlhnâma a that leiin Lalpain a thisen chu ama lu chung ngeiah hung inlêttir a tih.

INPÂKNA HLABU 55:21

A bau chu nênetui kîng angin a tlawr a, A lungril ruok chu indona a ni si a; A thuhai chu hriek nêkin ân nâl a, Nisienlakhawm, kawlhnâm phawisahai a ni si a.

THUVARHAI 26:23

Hmûr zumlezuor intuo le lungril suol chu, Pil bêl rângkachak êka inluon ang a nih.

THUVARHAI 27:6

Ruol isukhliemnahai chu ring a um a, Hmêlma fâwpnahai ruok chu ringhla a um.

JEREMIA 41:2

Chun, Nethania naupa Ismael le a kuoma mi sâwm umhai chu an tho a, Saphan naupa, Ahikam naupa Gedalia, Babulon lalin chu rama rorêltu dinga a sie chu kâwlhnâm leh an thaw a, ama chu an that ta a.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

RORELTUHAI 3:15

Nisienlakhawm, Israel thlahai chun Lalpa an ko phingleh Lalpa chun Gera naupa Ehud, Benjamin mi, mi vawikawlawng, sansuoktu a hung siempêk a. Israel thlahai chun Moab lal Eglon pêk ding chu siechawi an inchawitir a.