2 SAMUEL 20:6 - Pathien Lekhabu Inthieng (BSI)

⁶ Chuongchun, David chun Abisai kuomah, “Bikri naupa Seba hin Absalom nêk hmanin ei pawi a tâwk ding a nih ie, i pu mihai hi ṭhuoi la, hnawt ro khai; chuong naw chun khaw kul neia dam lût hman a ta, ei hmu phâk nawa hin insuo hlau rawi ei tih,” a ta.

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Chun, Ammon mihai chun Suria mihai an tlânsie ti an hriet chun anni khawm chu Abisai hmaa chun an tlânse ve ta a; khuoa chun an lût a. Chun, Joab chun Ammon mihai chu a kîrsan a, Jerusalemah a fe ta a.

2 SAMUEL 11:11

Uria chun David kuomah, “Pathien bâwm le Israelhai le Judahai chu bûkah an um a, chun, ka pu Joab le ka pu mihai chu ramhnuoiah an inkul bawk a; kei ka ina fein fain dâwnin, ka nuhmei kuomah ka zâl bîk ding maw? I hringna le i thlarau hringna sâlin ka hril a nih, chu chu thaw naw tawp ka tih,” a ta.

2 SAMUEL 18:12

Chun, mi chun Joab kuomah, “Tangka sâng khawm hmu ding ni lang lal naupa chungah ka kut thlâk naw hrim hrim ka tih; kan na hriet ngeiah lalin nang le Abisai le Ittai kuomah, ‘Tlangvâl Absalom chu tukhawma tâwk naw raw se,’ tiin thu a pêk si cheu a.

2 SAMUEL 18:2

Chun, David chun mihai chu a tirsuok a, hmun thuma ṭhea hmun khat chu Joab chun ân rawi a, hmun thuma ṭhea hmun khat chu Joab unaupa Zeruia naupa, Abisaiin ân rawi a, hmun thuma ṭhea hmun khat chu Git mi Ittai chun ân rawi a. Chun, lal chun mipuihai kuomah, “Keima ngei khawm in kuomah fe ve ngei ngei ka tih,” a ta.

2 SAMUEL 19:7

Chuleiin tho la, suok el rawh, i mihai suklungawi zâwngtakin thu hril rawh, i suok naw chun Lalpa sâlin ṭawng kân khâm a nih; mi pakhat khawm vawizân hin i kuoma um um naw ni hai; chun, chu chu i ta dingin i tleirâwla inthawka tu chena i chunga thil ṭhanaw hung tlung po pohai nêk hmanin ṭha naw lem a tih,” a ta.

2 SAMUEL 2:18

Chun, chutaka chun Zeruia naupasalhai pathum Joab le Abisai le Asahel hai chu an um a, Asahel chu sazukpui ang ela ngal hrât a nih.

2 SAMUEL 21:17

Nisienlakhawm, Zeruia naupa Abisai chun a san a, Philistin mi chu a thaw a, a that ta a. Chun, David mihai chun, “Israelhai khâwnvar hi i sukmit nawna dingin indo dingin kan kuomah suok ve ta dêr naw ti nih,” tiin a chungah ṭawng an inkhâm a.

2 SAMUEL 23:18

Zeruia naupa Joab unaupa Abisai chu sâwmthumhai laia hotu tak a na, ama chun za thumhai chunga chun a fei chu a phawi a, anni chu a that a, Pathumhai laia chun hming ṭhat a hlaw a.

2 SAMUEL 3:30

Chuongchun, an unaupa Asahel chu Gibeona indonaa a that leiin Joab le a unau Abisai chun Abner chu an that ta a.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

1 LALHAI 1:33

Chun, lal chun an kuomah, “In lalpa siehlawhai hi ṭhuoi unla, chun, ka naupa Solomon hi keima sabengtung lien chia ngei inchuongtir unla, Gihonah ṭhuoi thla ro,

1 CHANCHIN SUINA 11:20

Chun, Joab unaupa Abisai chu sâwmthumhai laia hotu tak a na, ama chun za thumhai chunga chun a fei chu a phawi a, anni chu a that a, pathumhai laia chun hming ṭhat a hlaw a.

1 CHANCHIN SUINA 18:12

Chu naw khawm chu Zeruia naupa Abisai chun Edom mi sîng le sâng riet chu Chi Ruoma chun a hne a.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

MARKA 3:24

Ram khawm ama le ama ân do chun, chu ram chu ngîr suok thei naw ni.

1 SAMUEL 26:6

Chuongchun, David chun Hit mi Ahimelek le Joab unau Zeruia naupa Abisai kuomah, “Saula ṭhanghmuna chun kei leh tu am fêng a ta?” a ta. Abisai chun, “Keima hi i kuoma chun zu fe vêng ka tih,” a ta.