2 SAMUEL 20:12 - Pathien Lekhabu Inthieng (BSI)

¹² Chun, Amasa chu lamlien laitakah a thisenin a lo inchie nuoi el a. Chun, ama chun mi po po ngîr zinga a hmu chun Amasa ruong chu lamliena inthawk chun phûl tienga sawnin puonin ân khum a, a kâwla hung taphawt chu an ngîr peia a hmu leiin.

2 SAMUEL 20:12 ပူးပေါင်းရင်းမြစ်များ

2 SAMUEL 17:25

Chun, Absalom chun, Joab aiah Amasa chu sipaihai hotuah a sie a. Amasa chu mi pakhat a hming Ithra, Ismael mi, Joab nu Zeruia zuorpuinu Nahas naunu Abigail pâwltu naupa a nih.

2 SAMUEL 2:23

Nisienlakhawm, a pêt nuom chuong naw a, chuleiin, Abner chun a feiṭhut tiengin a phîngah a sun a, a fei chu a hnungtieng a tlang a, chutaka chun a tlu ta tawp a, chu hmuna chun a thi ta a; chun, Asahel a tlûka a thina hmun hung tlung taphawthai chu chutaka chun an ngîr chawt pei a.

2 SAMUEL 20:11

Chun, a kâwlah Joab rawihai laia tlangvâl pakhat chu a ngir a, “Joab le David tienga ṭhang taphawt chun Joab hi zui pei raw se,” a ti a.

2 SAMUEL 20:13

Chun, lamliena inthawka sie hmang a ni hnung chun Bikri naupa Seba chu hnawt dingin mi po po chun Joab chu an zui ta a.

INPÂKNA HLABU 55:23

Nisienlakhawm, aw Pathien, nangin anni chu bohmangna khura chun infe thlâktir i ta, Thisen insuo hmang ke le hlêm hmang mihai chu an dam sûng chenve khawm dam naw ni hai: Kei ruok chun nang chu ring ka ti che.

INPÂKNA HLABU 9:16

Lalpa chun ân hriettir a, rorêlna chu a tirsuok ta a, Mi rilo chu ama kutsuok ngeia chun a âwk hlak.