2 SAMUEL 2:26 - Pathien Lekhabu Inthieng (BSI)

²⁶ Chuongchun, Abner chun Joab chu a ko a, “Kumkhuoin kâwlhnâm hi ei inlet zing el ding am a ni? A tâwpna chu lunginzîngna ding chau a nih ti i hriet naw am a ni? Mipuihai chu ieng chen am an unauhai hnawt kîrsan dinga hril lovin i um ding a na?” a ta.

2 SAMUEL 2:26 ပူးပေါင်းရင်းမြစ်များ

2 SAMUEL 11:25

David chun a mi tir kuoma chun, “Joab kuoma chun hieng ang hin va hril rawh, ‘Hieng hin i lungril chu suklâwm naw chuong naw raw se, kâwlhnâm chun tu tu khawm a thlierbîk si naw a, nasa nâwkzuolin khuo chu thaw unla, sukse ro,’ tiin infui rawh,” a ta.

2 SAMUEL 2:14

Chun, Abner chun Joab kuomah, “Tlangvâlhai chu hung inthawkhai sienla, ei hmaa hin hang inthaw ta hai sienla,” a ta. Chun, Joab chun, “Hung inthawk e â,” a ta.

2 SAMUEL 2:16

An khingpuihai chu an lu sengah an inman a, mâni bitumhai chu an nâkah kâwlhnâmin an insun seng a; chuongchun, an tlu ta vawng el a; chuleiin, chu hmun chu Helkath-Hazurim an ti ta a; chu chu Gibeona um a nih.

2 SAMUEL 2:25

Chun, Benjamin mihai chu Abner kuoma chun an pungkhâwm a, pâwl khatah an insiem a, tlâng sîpa chun an va ngîr ta a.

2 SAMUEL 2:27

Chun, Joab chun, “Pathien hringna sâlin ka hril a nih, iengkhawm lo hril naw la chu mipuihai chu zîngkâr khan an fe hmang ta ding a na, an unauhai chu an hnawt naw ding bah,” a ta.

JOB LEKHABU (THE BOOK OF JOB) 18:2

“Thuhaia hin ieng chen am remchâng chu în dap ding a na? Ngaituo la, chu hnunga chun thu hril kan tih.

JOB LEKHABU (THE BOOK OF JOB) 19:2

“Ieng chen am ka thla chu in suklâuin, Thuhai chun in mi suknâwi ding a na?

INPÂKNA HLABU 4:2

Aw mihriem nauhai, ka ropuina hi ieng chen am muolphonaah in inchan ding a na? Iengchen am thil teplo hi ngainâng in ta, khêlthu hi in zawng ding?

THUVARHAI 17:14

Insuolna hung inṭan dân hi miin tui a hersuok ang chau a nih, Chuleiin, inhalna chu insuolna a um hmain mâksan rawh.

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 4:21

Ieng chen am puonzâr chu ka hmuin, tawtawrâwt ri chu ka hriet zing ding a na?

JEREMIA 46:10

Chu ni chu Lalpa, sipaihai Lalpa ni, a hmêlmahai chunga phuba a lâk theina dinga, phuba lâkna ni a ni si a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; Lalpa sipaihai Lalpa chun hmârtieng ramah Euphrates vadungpui panga chun inthâwina chu a nei si a.

JEREMIA 46:14

Aiguptaa chun hril unla, Migdola chun puong unla, Nopha khawm chun puong unla, Tahpanhesa le chun: “Ngîr dawk la, inbuotsai rawh; i vêla chun kâwlhnâm chun a fâk zo pei ta si a,” ti ro.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

THILTHAWHAI 7:26

Chun, a zîngah anni laia mi pahni an insuol laiin an kuom a hung tlung a, ‘Puhai, unau in nih annâwm; iengdinga indiknawtakin in inthaw am?’ tiin anni rem a tum a.