2 SAMUEL 2:23 - Pathien Lekhabu Inthieng (BSI)

²³ Nisienlakhawm, a pêt nuom chuong naw a, chuleiin, Abner chun a feiṭhut tiengin a phîngah a sun a, a fei chu a hnungtieng a tlang a, chutaka chun a tlu ta tawp a, chu hmuna chun a thi ta a; chun, Asahel a tlûka a thina hmun hung tlung taphawthai chu chutaka chun an ngîr chawt pei a.

2 SAMUEL 2:23 ပူးပေါင်းရင်းမြစ်များ

2 SAMUEL 2:24

Nisienlakhawm, Joab le Abisai chun Abner chu an hnawt pei a, chun, Gibeon thlalêr lampuia Gia dep Amma tlâng an tlung chun nisa a tla ta a.

2 SAMUEL 20:10

Nisienlakhawm, Amasa chun Joabin kâwlhnâm a chawi chu a ngaisak naw a; chuongchun, a phînga chun a sun a, a rîlhai chu a sukthlâk nuoi el a, a sun nawn nâwk ta naw a; chuongchun, a thi ta a. Chuongchun, Joab le a unaupa Abisai chun Bikri naupa Seba chu an hnawt ta a.

2 SAMUEL 3:27

Chun, Abner chun Hebron a hung tlung chun Joab chun kul kawtkhârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum ta a.

2 SAMUEL 3:30

Chuongchun, an unaupa Asahel chu Gibeona indonaa a that leiin Joab le a unau Abisai chun Abner chu an that ta a.

2 SAMUEL 4:6

Bu la ni âwmtakin insûng ril tieng chun an lût a, a phîngah an va sun a; chun, Rekab le a unaupa Baana chu an tlânhmang ta a.

2 SAMUEL 5:6

Chun, lal le a mihai chu chu rama chêng Jebus mihai chu rûn dingin Jerusalemah an fe a; chuonghai chun David a hung lût thei naw ringin David kuomah, “Hitaka hin hung lût naw tawp i tih, mitdel le kebaihaiin lo dang an ti che,” an ta.