2 SAMUEL 2:13 - Pathien Lekhabu Inthieng (BSI)

¹³ Chun, Zeruia naupa Joab le David siehlawhai chu an fe suok a, Gibeon dîla chun an intuok a; chuongchun, pâwl khat chu dîl râl khingtieng chun an ṭhung a, pâwl khat dang chu dîl râl khingtieng chun.

2 SAMUEL 2:13 ပူးပေါင်းရင်းမြစ်များ

2 SAMUEL 2:18

Chun, chutaka chun Zeruia naupasalhai pathum Joab le Abisai le Asahel hai chu an um a, Asahel chu sazukpui ang ela ngal hrât a nih.

2 SAMUEL 20:23

Joab chu Israelhai po po sipai hotu a na, chun, Jehoiada naupa Benaia chu Kereth mi le Peleth mihai hotu a nih;

2 SAMUEL 20:8

Gibeona lungpui umna an va tlung chun Amasa chun anni chu a lo tuok a. Chun, Joab chu indona thuomhnawin ân chei a; chun, a chunga chun kâwlhnâm a bâwm pumin, kâwngkhia chun a pai a; chun, a fe malam chun a kâwlhnâm chu damtein a phawi a.

2 SAMUEL 23:24

Joab unaupa Asahel chu sâwmthumhai laia pakhat chu a na; Bethlehem khuoa mi Dodo naupa Elhanan,

2 SAMUEL 8:16

Chun, Zeruia naupa Joab chu sipai hotu tak a na; chun, Ahilud naupa Jehosaphat chu chanchin ziektu a nih;

1 LALHAI 1:7

Ama chun Zeruia naupa Joab le thiempu Abiathar chu a râwn a, anni chu Adonija tieng chun an ṭhang a, an ṭhangpui hlak a.

1 LALHAI 2:5

Chun, Zeruia naupa Joab mi thawzie, Israelhai sipai hotu pahni Nera naupa Abner le Jether naupa Amasa hai a thawzie ngei kha i hriet a. Khânga a that a, inrem laia indo lai thisen insuoin ân suo a, a kâwnga a kâwngkhi le a kekawk buna indona thisen a sukkaizie hai kha.

1 CHANCHIN SUINA 11:6

David chun, “Tukhawm Jebus mi that hmasataktu chu sipai hotu tak nîng a tih,” a ta. Chun, Zeruia naupa Joab chu a hmasatak a na, chuongchun, hotua siem a ni ta a.

1 CHANCHIN SUINA 2:16

chun, an farnuhai chu Zeruia le Abigail an nih. Chun, Zeruia naupasalhai chu pathum, hieng Abisai, Joab le Asahel hai hi an nih.

1 CHANCHIN SUINA 27:7

A thla linaa dinga sipai hotu palina chu Joab unaupa Asahel kha a na, a naupa Zebadia khan a ai a aw a nih; chun, ama pâwla khawm chun sîng hni le sâng li an um a.

JEREMIA 41:12

mi po po chu an ṭhuoi a, Nethania naupa Ismael chu do dingin an fe suok ta a; ama chu Gibeona tuipuihai kâwla chun an va hmu a.

1 SAMUEL 26:6

Chuongchun, David chun Hit mi Ahimelek le Joab unau Zeruia naupa Abisai kuomah, “Saula ṭhanghmuna chun kei leh tu am fêng a ta?” a ta. Abisai chun, “Keima hi i kuoma chun zu fe vêng ka tih,” a ta.