2 SAMUEL 19:9 - Pathien Lekhabu Inthieng (BSI)

⁹ Israelhai ruok chu anni puon in sengah an fe ta a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam ta a; chun, tuhin hi rama inthawk hin Absalom chu a tlân hmangsan a.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

Chun, David chun Jerusalema a mihai po po kuoma chun, “Tho unla, tlân suok ei tiu, tukhawm Absaloma inthawk hin ei suok thei âwm si naw a, suok vak ro khai, chuong naw chun mi hung hnawt phâk vak el a tih; ei chunga hin thil ṭha nawtak hung intlun a ta, kâwlhnâmin khuo hi hung thaw rawi a tih,” a ta.

2 SAMUEL 18:17

Chun, Absalom ruong chu an lâk a, rampui hnuoia khursûng inthûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân ta a.

2 SAMUEL 19:10

Chun, Absalom ei lal dinga hriek ei nâl chu indonaah a thi tah si a, iengdinga lal chu baukhat bêka a ko kîr zâi in rêl naw am a ni leh?” tiin Israel mi po pohai chu an insêl ta mur mur el a.

2 SAMUEL 19:40

Chuongchun, lal chu Gilgala chun a kai a. Kimham chu a kuoma chun a kai ve a; chun, Juda mi po pohai chun lal chu an ṭhuoi kai a; Israel mi khawm a zâtve an ṭhang.

2 SAMUEL 22:44

Nangin ka mihai innêkbuoinaa inthawk khawmin i mi sanhim ta a, Hnam tin luah i mi siem a. Ka hriet ngai naw hnam chun ka rawng an bâwl a.

2 SAMUEL 5:20

Chuongchun, David chu Baal-perazima chun a fe a, chutaka chun David chun anni chu a hne a, “Lalpain ka hmêlmahai chu tuiting inṭhe ang elin ka hmaah a mi sukdarpêk tah,” a ta. Chuleiin, chu hmun hming ding chun Baal-perazim ân bûk a.

INPÂKNA HLABU 18:43

Nangin mihai insuolnaa inthawk chun i mi sanhim ta a, Hnam tinhai lua chun i mi siem ta a. Ka hriet ngailo mihai chun ka rawng bâwl tâng an tih.

FESUOKNA 32:24

Chun, an kuomah, ‘Tukhawm rângkachak nei chun hlîp raw se,’ ka ti a, chuongchun, an mi hung pêk a, chun, meiah ka rawtui a, hi bâwngte lim hi a hung suok a ni hi,” a ti a.

1 SAMUEL 17:50

Chuongchun, David chun Philistin mi chu vailungdêng le lungin a ngam a, Philistin mi chu a dêng a, a that ta a; David chun kâwlhnâm a chawi dêr naw a.

1 SAMUEL 18:25

Chun, Saula chun, “David kuoma chun hieng ang hin ti ro khai, ‘Lal chun lal hmêlma phubalâkna dingin Philistin mihai servun za ti naw chu man ieng dang khawm a dit nawh,’ tiin,” a ta. Saula chun David chu Philistin mihai kuta inthitir a lungril tlat a.

1 SAMUEL 19:5

thi dâwn lovin Philistin mi kha a thaw a, chun Lalpain Israel mihai po po sandamna ropuitak a thawsuokpêk a, chu chu nang khawma i hmu a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.