2 SAMUEL 19:5 - Pathien Lekhabu Inthieng (BSI)

⁵ Chun, Joab chu inah lal kuoma chun a lût a, “I hringna dâm, i naupahai le i naunuhai hringna dâm, i nuhmeihai le i thaikêmhai sanhimtuhai chu vawisûn hin inzaktakin i siem ta hi;

2 SAMUEL 19:5 ပူးပေါင်းရင်းမြစ်များ

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

2 SAMUEL 18:17

Chun, Absalom ruong chu an lâk a, rampui hnuoia khursûng inthûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân ta a.

2 SAMUEL 19:13

Chun, Amasa kuomah, ‘Ka ru le ka tisa i ni naw am a nih? Joab aia ka hmaa sipaihai hotua ka siem nawtâk che leh Pathienin a law law mi law el raw se, chu nêka nasa khawmin,’ a ti a, va ti ro,” tiin mi a tir a.

2 SAMUEL 19:4

Chun, lal chun a hmai a hup a, “Aw ka naupa Absalom, Aw Absalom, ka naupa, ka naupa,” tiin lal chu a ṭap a ṭap a.

2 SAMUEL 19:6

nangma hmangaituhai che i theida a, nangma theidatuhai che chu i hmangai tlata hin. Hotuhai le sipaihai chu i ta dinga iengkhawm ni lo angin vawisûn hin i suklang ta a; Absalom chu dam sienla, keini po po hi vawisûn hin thi ta vawng ni inlang, chu chu i lâwm zâwngtak ni âwmin vawisûn hin ka hriet a nih.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

NEHEMIA 9:27

Chuleichun, anni sukrinumtu an hmêlmahai kuta chun i pêk a; an lunginzîng laia an ko lai che khan vâna inthawk chun i lo ngai a; i zainêmna nasatak chun an hmêlmahaia inthawkin sansuoktu ding sandamtuhai i pêk a.

INPÂKNA HLABU 3:8

Sandamna chu Lalpa ta a na, I malsâwmna chu i mihai chungah um raw se.