2 SAMUEL 19:43 - Pathien Lekhabu Inthieng (BSI)

⁴³ Chun, Israel mihai chun Juda mihai chu an dawn a, “Lala hin chan sâwm kan nei a, Davida hin nangni nêkin chan kan nei lem a nih. Iengdinga in mi ngainêp el am a na? Lal ṭhuoikîr thu hi a rawt hmasatu kan ni naw am a nih?” an ta. Chuongchun, Juda mihai thu chu Israel mihai thu nêk chun ân rum ta lem a.

2 SAMUEL 19:43 ပူးပေါင်းရင်းမြစ်များ

2 SAMUEL 19:14

Chuongchun, Judahai po po lungril chu mi pakhat lungril ang elin a sukthle ta duol a; chuongchun, lal kuomah, “I mihai po po le khan hung kîr nâwk ro,” ti dingin mi an tir ta a.

2 SAMUEL 19:9

Israelhai ruok chu anni puon in sengah an fe ta a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam ta a; chun, tuhin hi rama inthawk hin Absalom chu a tlân hmangsan a.

2 SAMUEL 20:1

Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve naw a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

2 SAMUEL 20:6

Chuongchun, David chun Abisai kuomah, “Bikri naupa Seba hin Absalom nêk hmanin ei pawi a tâwk ding a nih ie, i pu mihai hi ṭhuoi la, hnawt ro khai; chuong naw chun khaw kul neia dam lût hman a ta, ei hmu phâk nawa hin insuo hlau rawi ei tih,” a ta.

2 SAMUEL 5:1

Chuongchun, Israel chihai po po chu Hebrona David kuomah an hung a, “Ngai ta, i ru le i taksahai kan na.

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngaituo el rawh,” tiin lal chu an dawn a. Chuongchun, Israelhai chu an puon in tieng chun an fe ta a.

THUVARHAI 13:10

Chaponaa chun inkhingna a suok a, Thurâwn ṭhataka ruok chun varna a um.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 17:14

Insuolna hung inṭan dân hi miin tui a hersuok ang chau a nih, Chuleiin, inhalna chu insuolna a um hmain mâksan rawh.

THUVARHAI 18:19

Unaupa suklungawilova um chu khawpui dettak nêkin hne ân tak lem, Chuong inhalnahai chu kula thîrtluonhai ang a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:21

Suol ihnein um naw la, ṭhatnain suol chu hne lem rawh.

GALATI 5:15

Nisienlakhawm, in inse a, in infâk tuo si chun, in insukbohmang tuo nawna dingin fîmkhur ro.

GALATI 5:20

milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

GALATI 5:26

Inchotuoin, in itthîktuoin inngaihlu nâwng ei tiu.

PHILIPPI 2:3

Esêlna le inngaihlut leia iengkhawm thaw lovin, mi tinin inngaitlâwmtakin mâni nêkin mi dang ṭha lemah ngai seng raw hai se.

JAKOB 1:20

mihriem lunginsenna chun Pathien felna chu a siem si nawh.

RORELTUHAI 8:1

Chun, Ephraim mihai chun a kuomah, “Iengtiziea hienga i mi thaw a, Midianhai do dinga i fe laiin i mi ko ve naw am a ni a?” an ti a. An hal nasa hle el a.

RORELTUHAI 9:23

Chun, Pathienin Abimelek le Sekema mihai kâra chun lungril suol ân umtir a, Sekema mihai chun Abimelek chunga chun vervêktakin an thaw ta a.