2 SAMUEL 19:39 - Pathien Lekhabu Inthieng (BSI)

³⁹ Chun, mipui po pohai chu Jordan râl an kai a; chun, lal khawm chu a kai ve a; chun, lal chun Barzillai chu a fâwp a, mal a sâwm a; chun, ama hmun tieng a fe nâwk ta a.

2 SAMUEL 19:39 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 31:55

Chun, zingkâr Laban chu a tho a, a tuhai le a naunuhmeihai chu a fâwp a, mal a sâwm a; chun, Laban chu a fe a, ama umna tieng a kir nâwk ta a.

INṬANNA 45:15

Chun, a unauhai po po chu a fâwp a, a ṭap khum seng a; chu hnunga chun, a unauhai chun thukhawchâng an hrilpui ta a.

INṬANNA 47:10

Chun, Jakobin Pharao chu mal a sâwm nâwk a, Pharao kuoma inthawk chu a suok ta a.

INṬANNA 47:7

Chun, Josef chun a pa Jakob chu a ṭhuoi lût a, Pharao hmaa chun ân ngîrtir a: chuongchun, Jakob chun Pharao chu mal a sâwm ta a.

2 SAMUEL 13:25

Chun, lal chun Absalom kuomah, “Ni lo e, ka naupa, kan rêng chun fe naw ning ung, sukkhaw taluo rawi kan ti che,” a ta. Ama chun a fiel a fiel a, amiruokchu, a fe nuom chuong naw a, mal ruok chu a sâwm a.

2 SAMUEL 14:33

Chuongchun, Joab chu lal kuoma chun a fe a, a hril a; chun, Absalom chu a ko a, lal kuomah a fe a; chun, lal hmaa chun hmaia hnuoi sikin a bawkkhup a; chun, lalin Absalom chu a fâwp ta a.

2 SAMUEL 19:38

Chun, lal chun a dawn a, “Kimham chu ka kuomah fe vêng a tih, ṭha i ti ang peiin a chungah thâwng ka tih; chun, thil iengkhawm i mi hni taphawt chu thawpêk pei ka ti che,” a ta.

2 SAMUEL 6:18

Chun, Davidin pumrawhmang thilinhlân le inremna thil inhlânhai ân hlân zo chun, sipaihai Lalpa hmingin mipuihai chu mal a sâwm a.

2 SAMUEL 6:20

Chuongchun, David chu a sûnghai malsâwm dingin a fe ta a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruokin a um kha teh!” a lo ti a.

1 LALHAI 19:20

Chun, sebâwnghai chu a mâksan a, Elija chu a hnawt ta a, “Ka nu le ka pa la va fâwp hri phawt ka ti aw, chuongchun, hung zui ka ti che,” a ta. Ama chun a kuomah, “Va fe nâwk phawt ta la, ieng am ka thawpêk che a?” a ta.

NAMBAR 24:25

Chuongchun, Balaam chu a tho a, a khuo tieng a fe ta a; Balak khawm chu a fe ve ta a.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

THILTHAWHAI 20:37

Chun, an rêng chun an ṭap a, Paula chu an kuo a, an fâwp an fâwp a.

1 THESSALONIKA 5:26

Unau po pohai kha fâwp inthiengin chibai mi bûkpêk ro.

RUTH 1:14

Chuongchun, an râwlhai insuo meuin an ṭap rak rak nâwk a; chun, Orpah chun a tarpinu chu a fâwp a, Ruth ruok chun amanu chu a chel tlat a.

1 SAMUEL 24:22

Chuongchun, David chun Saula kuoma chun ṭawng ân khâm ta a. Chun, Saula chu a fe ta a, David le a mihai ruok chu kulbînga chun an hang fe ta a.