2 SAMUEL 19:23 - Pathien Lekhabu Inthieng (BSI)

²³ Chun, lal chun Simei kuoma chun, “Thi naw tawp i tih,” a ta. Chun, lal chun a kuomah ṭawng ân khâm ta a.

2 SAMUEL 19:23 ပူးပေါင်းရင်းမြစ်များ

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? Lalpain a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

2 SAMUEL 19:24

Chun, Saula naupa Mephi-boseth chu lal tuok dingin a hung thla a; lal a fe suoka râlmuonga a hung kîr nâwk ni chen chun a kehai chu a chei naw a, a khâkhmul chu a chep ruol bawk naw a, a puonhai khawm chu a sâwp naw a.

1 LALHAI 2:37

I suok ni, Kidron vadung i kân ni le le chun i thi ngei ding a nih ti hre raw khai, chun, i thisen chu nangma lu chunga ngei um a tih,” a ta.

1 LALHAI 2:46

Chuongchun, lal chun Jehoiada naupa Benaia chu thu a pêk a, ama chu a va thaw a, a that ta a. Chuongchun, ram chu Solomon kuta suknghetin a um ta a.

HEBRAIHAI 6:16

Mihriem hin anni nêka ropui lem sâlin an inkhâm hlak a, an insêlna tinrênga khawm sukdetna dingin inkhâm hi suktâwpna a ni hlak.

1 SAMUEL 11:13

Saula chun, “Vawisûn kher hin chu tukhawm sukhlum ding a ni naw ie, vawisûn hin Lalpa chun Israelhai lai sandamna a hung siem ta si a,” a ta.

1 SAMUEL 28:10

Chun, Saula chun Lalpa hming sâlin, “Lalpa hringna sâlin ka hril hi, hi thil lei hin i chungah hremna tlung naw nih,” tiin a kuoma chun ṭawng ân khâm a.

1 SAMUEL 30:15

David chun a kuomah, “Chuonghai rawi umnaa chun mi zu ṭhuoi thei i ti?” a ta. Ama chun, “Mi that lo ding le, ka pu kuta mi pe nâwk lo dingin Pathien hming sâlin ṭawng inkhâm la, chuongchun, chuonghai umnaa chun zu ṭhuoi ka ti che,” a ta.