2 SAMUEL 19:19 - Pathien Lekhabu Inthieng (BSI)

¹⁹ Chun, lal kuoma chun, “Ka lalpa chun khawhlona neiah mi ruot naw hrâm sienla, lalpa ka puin Jerusalem a suoksan nia i siehlaw hin indik nawtaka a lo thaw tahai kha hre zing bawk naw la, lal chun lungrilah vawn zing naw raw se.

2 SAMUEL 19:19 ပူးပေါင်းရင်းမြစ်များ

2 SAMUEL 13:20

Chun, a ṭapa Absalom chun a kuomah, “I ṭapa Amnon chu i kuomah a hung lût a ni maw? nisienlakhawm, to el rawh, ka farnu, ama chu i ṭapa a ni annâwm, engto nuom naw rawh,” a ta. Chuongchun, Tamar chu a ṭapa Absalom ina chun ngûitakin ân khum ta tlat el a.

2 SAMUEL 13:33

Chuleiin, ka pu lal chun lal naupahai po po an thi amanih ti ringin, lung inhângpui naw raw se, Amnon chau a thi a nih,” a ta.

2 SAMUEL 19:18

Chun, lal sûnghai ṭhuoikaina ding le ṭha a ti ang anga hmang dingin lawng an fepui a. Chun, Jordan vadung a hei kai chun Gera naupa Simei chu lal hmaa chun a bawkkhup a.

INPÂKNA HLABU 32:2

Mi Lalpain rîtlona neia a ruot naw, A thlaraua hlêmna hrim hrim um naw chu, a hamṭha.

INPÂKNA HLABU 79:8

Kan thlatuhai rîtlona kha keini kuoma hin chu hre zing ta naw la, I lainatnahai chun mi hung tuok vak sienla; Nasataka sukhnuoiin kan um ta si a.

THUHRILTU 10:4

Rorêltu lungril chu i chungah a tho chun, I umna hmun chu mâksan naw la; Intuklûtna hin lungninawna nasatak chu a sukrê si a.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

NAMBAR 12:11

Chuongchun, Aron chun Mosie kuomah, “Aw pu, kan chungah suol innghat lul naw raw khai, invêttakin kan lo thaw a, kan lo suol tah a nih.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

2 KORINTH 5:19

khânga, Pathienin Kristaa chun khawvêl hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.

1 SAMUEL 22:15

Vawisûn hi Pathien ka biek râwnpêk ṭan ni am a nih? A ni nawh. Lal hin a siehlaw amanih, ka pa sûngkuo hrim hrim hi min tum lul naw raw se, i siehlaw hin hieng thu po po a iengkhawm hi ka hriet naw a nih,” a ta.

1 SAMUEL 25:25

Ka hni che, ka lalpa hin Belial mi Nabal chu ienga khawm ngai naw raw khai, a hming ang chie el hi a ni hrim a nih, Nabal an ti namân, ân vêt a ni hi, kei i siehlawnu hin ka pu tlangvâl hungtirhai kha chu ka lo hmu naw a nih.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw ta a, ka lo thaw suol dêr el a ni ta hi,” a ta.