2 SAMUEL 19:18 - Pathien Lekhabu Inthieng (BSI)

¹⁸ Chun, lal sûnghai ṭhuoikaina ding le ṭha a ti ang anga hmang dingin lawng an fepui a. Chun, Jordan vadung a hei kai chun Gera naupa Simei chu lal hmaa chun a bawkkhup a.

2 SAMUEL 19:18 ပူးပေါင်းရင်းမြစ်များ

2 SAMUEL 19:17

Chun, a kuoma chun Benjamin mi sâng le, Saula sûnghai siehlaw, Ziba, a naupasalhai sâwm le panga le, a siehlaw sâwmhnihai leh an ṭhang ve a; chun, lal mithmua chun Jordan chu an kai a.

2 SAMUEL 19:19

Chun, lal kuoma chun, “Ka lalpa chun khawhlona neiah mi ruot naw hrâm sienla, lalpa ka puin Jerusalem a suoksan nia i siehlaw hin indik nawtaka a lo thaw tahai kha hre zing bawk naw la, lal chun lungrilah vawn zing naw raw se.

2 SAMUEL 19:30

Chun, Mephiboseth chun lal kuomah, “E, amâin nei vawng el raw se, lalpa ka pu chu inah râlmuongin a hung tlung ta si a,” a ta.

2 SAMUEL 9:10

Chun, a ta dingin hnuoi inletpêk i ta, nang le i naupasalhai le i siehlawhai leh; chun, i pu naupa chun fâk dinghai a nei theina dingin i thawsuokhai chu hung lâng i ta, i pu naupa Mephiboseth ruok hin chu ka dawkânah buthlêng awt rawp a tih,” a ta. Ziba chun naupasal sâwmpanga le siehlaw sâwmhni a nei a.

2 SAMUEL 9:2

Chun, Saula sûnghai siehlaw pakhat a hming Ziba a um a, David kuoma fe dingin an ko a; chun, lal chun a kuomah, “Ziba i ni maw?” a ta. Chun, ama chun, “Ni e, kei i siehlawpa hi,” a ta.

1 LALHAI 2:8

Chun, Bahurim khuoa mi Benjamin thla, Gera naupa Simei hi i kuomah a um a, ama chun Mahanaim hmuna ka fe lai khan ṭawngsie ṭha nawtak a mîn phur a; amiruokchu, Jordana khan mi tuok dingin a hung thla a, chutaka chun ‘Kâwlhnâmin that naw ning che,’ tiin Lalpa hming sâlin ṭawng ka lo inkhâm ta a.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

INPÂKNA HLABU 81:15

Lalpa theidatuhai chu a hmaah ṭiin kûn an tih, An hrem tuorna chun kumkhuo dai a tih..

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.

1 SAMUEL 22:15

Vawisûn hi Pathien ka biek râwnpêk ṭan ni am a nih? A ni nawh. Lal hin a siehlaw amanih, ka pa sûngkuo hrim hrim hi min tum lul naw raw se, i siehlaw hin hieng thu po po a iengkhawm hi ka hriet naw a nih,” a ta.