2 SAMUEL 18:33 - Pathien Lekhabu Inthieng (BSI)

³³ Chuongchun, lal chu a lunginzîng ta hle el a, kul kawtkhâr chunga pindana chun a hang fe a, a ṭap a; chun, a hang fe malam chun, “Aw, ka naupa Absalom, ka naupa, ka naupa Absalom, i aia chun kei hi hang thi lem lang aw, Aw Absalom, ka naupa, ka naupa!” a ta.

2 SAMUEL 18:33 ပူးပေါင်းရင်းမြစ်များ

INṬANNA 21:11

Chu thu chu a naupa Ismael lei chun Abraham ta ding chun lungngaithlâk tak a nih.

2 SAMUEL 14:1

Zeruia naupa Joab chun lal lungril chu Absalom chungah ân nghat ti a hriet a.

2 SAMUEL 19:1

Chuongchun, Joab chu an hril a, “Ngai ta, lal chun Absalom chu a ṭa a, a sûn ie,” an ta.

2 SAMUEL 19:4

Chun, lal chun a hmai a hup a, “Aw ka naupa Absalom, Aw Absalom, ka naupa, ka naupa,” tiin lal chu a ṭap a ṭap a.

INPÂKNA HLABU 103:13

Pain a nauhai a lunginsiet ang hin, Lalpa chun ama ṭituhai chu a lunginsiet hlak.

FESUOKNA 32:32

Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a ti a.

THUVARHAI 10:1

Solomon Thuvarhai chu. Naupa var chun pa lâwm a siem a, Naupa invêt ruok chu nu ta dingin phurrik a nih.

THUVARHAI 17:25

Naupa invêt chu a pa ta dinga lunginrimna a na, A neitu nu ta ding chun rimsikna a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:3

Ka unauhai, taksa tienga ka chipuihai aiin, kei hi Krista kuoma inthawka ṭhe thlâk khawp hiela thusie phurin um lang ka ti lem a nih,

JAKOB 5:17

Mi fel ṭawngṭaina chun thil nasatak a thaw hlak. Elija chu eini mizie ang nei mihriem bawk a ni a, ama chun ruo sûr nâwna dingin ṭhahnemngaitakin a ṭawngṭai a; chun, kum thum le thla ruk sûng po chu, hnuoi chungah ruo a sûr ta naw a.