2 SAMUEL 18:31 - Pathien Lekhabu Inthieng (BSI)

³¹ Chun, ngai ta, Kus mi chu a hung tlung a; chun, Kus mi chun, “Lalpa, ka lalpa ta dingin chanchin ka hung intlun a nih, i chunga helhai po po phuba chu Lalpain vawisûn hin a lâkpêk ta che a nih,” a ta.

2 SAMUEL 18:31 ပူးပေါင်းရင်းမြစ်များ

2 SAMUEL 18:19

Chuongchun, Zadok naupa Ahimaaz chun, “Va tlân ka ta, Lalpain a hmêlma phuba a lâkpêk dân chanchin hi lal chu va hril ka tih,” a ta.

2 SAMUEL 18:28

Chun, Ahimaaz chun a ko a, lal kuomah, “A ṭha vawng ie,” a ta. Chun, a hmaia hnuoi sikin lal hmaa chun chibai bûkin a kûn a, “Lalpa, ka lalpa thaw tuma kut thlâk tumtuhai lo dangtu Lalpa i Pathien chu inpâkin um raw se,” a ta.

2 SAMUEL 18:30

Chun, lal chun, “Ka sîra hin la hung ngîr hri ta,” a ta. Chun, a sîra chun a hung ngîr a.

INPÂKNA HLABU 58:10

Mi fel chun phubalâkna chu a hmuin lâwm a ta, Mi rilo thisena chun a ke chu sâwp a tih.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

RORELTUHAI 5:31

Chuong ang chun aw Lalpa, i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.