2 SAMUEL 18:27 - Pathien Lekhabu Inthieng (BSI)

²⁷ Chun, râl vêngtu chun, “A hmasa lem tlân dân chu Zadok naupa Ahimaaz tlân dân ni âwmtakin ka hriet,” a ta. Chun, lal chun, “Ama chu mi ṭhatak a na, chanchin ṭhatak a hung intlun ding nîng a tih,” a ta.

2 SAMUEL 18:27 ပူးပေါင်းရင်းမြစ်များ

2 SAMUEL 18:26

Chun, a hung vat vat a, a hung hnai ta deu deu a. Chun, râl vêngtu chun mi dang hung tlân a hmu nâwk a; chun, râl vêngtu chun kawtkhâr vêngtu chu a ko a, “En ta, mi dang ama khât bakin a hung tlân nâwk,” a ta. Chun, lal chun, “Ama khawm chun chanchin a hung intlun ve ding a ni chu,” a ta.

1 LALHAI 1:42

Chuonga a ti lai tak chun ngai ta, thiempu Abiathar naupa Jonathan a hung a, Adonija chun, “La hung ta khai, nang chu chu mi fel i na, chanchin ṭha intlun ngei i tih,” a lo ti a.

2 LALHAI 9:20

Chun, râlvêngtu chun, “Ama khawma an kuom chu a va tlung ngei a, ama khawm chu a hung kîr nâwk ta dêr nawh; chun, a khal dân khawm saw Nimsi naupa Jehu khal dân chie a nih, mi invêt ang elin a khal hlak a nih,” a ta.

THUVARHAI 25:13

Ama tirtu ta dinga thangko ringum chu Busîk huna vûr deitak ang el hi a nih; A hotuhai lungril chu a sukhar hlak si a.

THUVARHAI 25:25

Ram hlataka chanchin ṭha chu, Mi dangchâr kuoma tui deitak ang hi a nih.

ISAI 52:7

Tlângahai chanchin ṭha intluna, in- remna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15

Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.