2 SAMUEL 18:2 - Pathien Lekhabu Inthieng (BSI)

² Chun, David chun mihai chu a tirsuok a, hmun thuma ṭhea hmun khat chu Joab chun ân rawi a, hmun thuma ṭhea hmun khat chu Joab unaupa Zeruia naupa, Abisaiin ân rawi a, hmun thuma ṭhea hmun khat chu Git mi Ittai chun ân rawi a. Chun, lal chun mipuihai kuomah, “Keima ngei khawm in kuomah fe ve ngei ngei ka tih,” a ta.

2 SAMUEL 18:2 ပူးပေါင်းရင်းမြစ်များ

2 SAMUEL 17:11

Keia remruot ve dân chu, Israel mi po po chu Dana inthawkin Beer-seba tlung rakin an tamzie tuipui kama phaiphin zât zetin i kuomah ko khâwm la; chun, indonaa khawm chun nang meu khawm fe ve la.

2 SAMUEL 21:17

Nisienlakhawm, Zeruia naupa Abisai chun a san a, Philistin mi chu a thaw a, a that ta a. Chun, David mihai chun, “Israelhai khâwnvar hi i sukmit nawna dingin indo dingin kan kuomah suok ve ta dêr naw ti nih,” tiin a chungah ṭawng an inkhâm a.

2 SAMUEL 23:18

Zeruia naupa Joab unaupa Abisai chu sâwmthumhai laia hotu tak a na, ama chun za thumhai chunga chun a fei chu a phawi a, anni chu a that a, Pathumhai laia chun hming ṭhat a hlaw a.

2 SAMUEL 8:16

Chun, Zeruia naupa Joab chu sipai hotu tak a na; chun, Ahilud naupa Jehosaphat chu chanchin ziektu a nih;

1 LALHAI 2:28

Chun, chu thu chu Joab chun a lo hriet a, Joab chu Absalom tieng khan a ṭhang naw a chu, Adonija tienga ṭhang a ni si a. Chuongchun, Joab chu Lalpa Puon inah a tlân a, maichâm kihai chu a va chel ta a.

INPÂKNA HLABU 3:6

Mi sîng khat khawm hi ṭi naw ning, Kei mi hung doa, mi hung inhuol vêltuhai hi.

RORELTUHAI 7:16

Chu mi za thum hai chu pâwl thumin a siem a, an rêng chun tawtawrâwt le pil bêl ruok, a sûnga meiser sie sa a pêk seng a.

RORELTUHAI 7:19

Chuongchun, Gideon le a kuoma um mi za hai chu zân vêng lailung râlvêng an inthleng hlim lai takin kul tawntir chu an zu tlung a; chun, tawtawrâwt chu an hang mût a, an pil bêl chawihai chu an sukhâwp vawng a.

RORELTUHAI 9:43

Chun, a mihai a ṭhuoi a, pâwl thumah a siem a, phûla chun an inchân a; chun, a hei thlîr a, khawpuia inthawka mihai hung suok chu a hei hmu a, chun a tho a, anni chu a lo thaw a, a that tâwl a,

1 SAMUEL 11:11

Chun, a zînga chun Saula chun mipuihai chu pâwl thumin a siem a; zîng vêng hun lai takin an riekhmuna chun an lût a. Ammon mihai chu sûn nisa sat vânglai tak chenin an that a; an that mahlahai chu an indar vawng a, pahnia um hmunkhat hrim hrim khawm an um dêr naw a.