2 SAMUEL 18:19 - Pathien Lekhabu Inthieng (BSI)

¹⁹ Chuongchun, Zadok naupa Ahimaaz chun, “Va tlân ka ta, Lalpain a hmêlma phuba a lâkpêk dân chanchin hi lal chu va hril ka tih,” a ta.

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Lal chun thiempu Zadok kuoma chun, “Hmu theitu i ni naw am a nih? I naupasalhai pahni i naupa Ahimaaz le Abiathar naupa Jonathan leh lungmuongtakin khawpuiah fe nâwk ro.

2 SAMUEL 15:36

Ngai ta, an naupasalhai pahni Zadok naupa Ahimaaz le Abiathar naupa Jonathan khawm an kuomah an um kha; chun, i thil hriet taphawt chu mi hril dingin anni chu i hung tir hlak ding annâwm,” a ta.

2 SAMUEL 17:17

Jonathan le Ahimaaz chu En-rogelah an um a, suoknu pakhat hin anni chu a va hril hlak a na, chun, anni chun lal David chu an va hril nâwk sâwng hlak a; khawpuia an lût chu tukhawma hmu lo ding a nih.

2 SAMUEL 18:20

Chun, Joab chun a kuomah, “Vawisûn chu chanchin chu va hril naw rawh, ni dangah chanchin chu la hril lem rawh, lal naupa chu a thi ta leiin, vawisûn chu chanchin iengkhawm va hril naw rawh,” a ta.

2 SAMUEL 18:23

Nisienlakhawm, ama chun, “Iengkhawm ni sien tlân ka tih,” a ta. Chun, ama chun a kuomah, “Tlân el raw le,” a ta. Chuongchun, Ahimaaz chu phaizâwl tieng lampuiah a tlân a, Kus mi chu a lekhêl a.

2 SAMUEL 18:31

Chun, ngai ta, Kus mi chu a hung tlung a; chun, Kus mi chun, “Lalpa, ka lalpa ta dingin chanchin ka hung intlun a nih, i chunga helhai po po phuba chu Lalpain vawisûn hin a lâkpêk ta che a nih,” a ta.

INPÂKNA HLABU 10:14

Hmu chu i hmu zing ta a, i kuta thung dingin buoina le lungzîngna chu în chik ta a, Iengkhawm thaw thei lo mi chu i kuomah a tlulût hlak a; Pa bo ṭhangpuitu i ni hlak kha.

INPÂKNA HLABU 10:18

Pa neilo le nêksâwrna tuorhai chu ro rêlpêkna dingin, Hnuoia mi chu ṭiumtaka an um nâwk ta nawna dingin.

INPÂKNA HLABU 7:6

Aw Lalpa, lunginsenin tho la, A mi dotuhai lunginsenna doin inthawk la, Ka ta dingin insukhar la, rorêlna ding thu i pêk ta si a.

INPÂKNA HLABU 9:16

Lalpa chun ân hriettir a, rorêlna chu a tirsuok ta a, Mi rilo chu ama kutsuok ngeia chun a âwk hlak.

INPÂKNA HLABU 9:4

Ka ta dinga âwm hrima le ka thua hin nangin i mi ṭan si a; Feltaka ro rêlin lalṭhungphaa chun i ṭhung a.

JEREMIA 51:31

Thangko pakhat chu a dang intuokpui dingin tlân a ta, mi tir pakhat chu a dang intuokpui dingin tlân bawk a ta, Babulon lal chu kil tina inthawkin khawpui chu lâk a ni tah ti hril dingin;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro,“phuba hrim hrim keia lâk ding a nih, keiin thung ka tih, Lalpain a tih,” ti ziek a ni si a.