2 SAMUEL 18:14 - Pathien Lekhabu Inthieng (BSI)

¹⁴ Chuongchun, Joab chun, “Hieng hin chu i kuomah ka um zing thei naw tawp el a,” a ta, fei pathum a chawi a, thingsaisuo laia Absalom dama lo la umzing lungkhura chun a sun a.

2 SAMUEL 18:14 ပူးပေါင်းရင်းမြစ်များ

2 SAMUEL 12:10

Chuleiin, tu hin kâwlhnâm chun i insûng chu inkiensan naw tawp a tih, nang chun mi ngainêpin Hit mi Uria nuhmei chu i nuhmei dingin i lâkpêk ta si a.

2 SAMUEL 14:30

Chuongchun, a siehlawhai kuomah, “I aw, Joab lo chu ka lo kâwl a na, buṭei a nei a, va rawpêk vawng ro,” a ta. Chuongchun, Absalom siehlawhai chun lo chu an va raw ta a.

2 SAMUEL 18:15

Chun, Joab râlthuom chawitu tlangvâl sâwm chun an hung inhuol a, Absalom chu an sun a, an that ta a.

2 SAMUEL 18:5

Chun, lal chun Joab le Abisai le Ittai chu, “Keima leiin tlangvâl Absalom chu indawitakin va thaw ro khai,” tiin thu a pêk a. Mipui po poin Absalom chungchâng thuah lalin sipai hotuhai po po thu a pêk lai chu an hriet a.

2 SAMUEL 19:1

Chuongchun, Joab chu an hril a, “Ngai ta, lal chun Absalom chu a ṭa a, a sûn ie,” an ta.

2 SAMUEL 19:11

Chuongchun, lal David chun thiempu Zadok le Abiathar kuoma chun, “Juda upahai kuoma chun, ‘Iengdinga lal chu a in tienga ṭhuoi kîr ding thuah a nuhnungtaka ṭhang am in ni a? Israel mihaiin lal ṭhuoi kîr ding thu an hril chu lal kuom a tlung ta si a.

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

INPÂKNA HLABU 37:35

Mi rilo chu nasataka thu neia, A mâwngna hmuna thing inder inno tak anga inbuk luoia a um lai ka hmu a,

INPÂKNA HLABU 45:5

I thal chu ân zum a, Laltak dotuhai lungkhura chun ân bûr zing a, Mi tin chu i hnuoiah an tlu hlak a.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

RORELTUHAI 4:21

Nisienkhawm, Heber nuhmei Jael chun puon in kilna zum a lâk a, hembâwk chu a kutin a chawi a, to ṭawkin a pan phei a, a chau leia imu inhniktaka a zâl laiin kilna zum chun a bek takah a hem a, a hem tlang a, hnuoiah ân bûr ta ngur el a; chuongchun, a thi ta a.

RORELTUHAI 5:26

Kilna a chawi a, A changtiengin sinthaw mi hembâwk; Hembâwk chun Sisera chu a hem a,a luah a hem tlang a, A bek takah a hem a,a hem bûr ta ngur a.

RORELTUHAI 5:31

Chuong ang chun aw Lalpa, i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.