2 SAMUEL 17:8 - Pathien Lekhabu Inthieng (BSI)

⁸ Chun, Husai chun, “I pa le a mihai chu i hriet a, sipai huoitak, mi kâwlhrâwngtak, phûla savawm a tê manpêk ang el an na; chun, i pa hi indo mi a na, mipui lai chun riek khawm riek kher naw ni.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Chun, a mi po pohai chun an fe khêl a, chun, Kerith mi po pohai, Peleth mi po pohai le Git mi za ruk Gath-a inthawka ama hung zuituhai chun lal chu an pêl pei a.

2 SAMUEL 17:9

Ngai ta, tu khawm hin khaw lai khursûnga manih, khawlai hmuna manih ân bi zing a ni ding a na; chun, an inthaw tîra mi ṭhenkhat an tlu nuol chun a hre taphawtin, ‘Absalom zuituhai chu an that ṭeu el ie,’ ti el an ta.

2 SAMUEL 23:16

Chuongchun, sipai huoisen pathumhai chun, Philistin sipaihai chu an nêr thleng a, kul kawtkhâr kâwla mi, Bethlehema tuisunsuo chu an va thâl a; an chawi a, David kuomah an fepui a, nisienlakhawm, a lo dâwn nuom naw a, Lalpa ta dingin a bunthlâk ta lem a.

2 SAMUEL 23:18

Zeruia naupa Joab unaupa Abisai chu sâwmthumhai laia hotu tak a na, ama chun za thumhai chunga chun a fei chu a phawi a, anni chu a that a, Pathumhai laia chun hming ṭhat a hlaw a.

2 LALHAI 2:24

Chun, a hnungtieng a hei en chun anni chu a hmu ta a, chuongchun, Lalpa hmingin anni chu ṭawngsie ân phur ta a. Chun, ramhnuoia inthawk chun savawmpui pahni an hung suok a, anni laia naupang sâwmli le pahni chu an hung sê ta a.

THUVARHAI 17:12

Invêt ân vêt laia intuokpui nêk chun, Savawmpui a tehai inrûkpêka um intuokpui nuom a um lem.

THUVARHAI 28:15

Rorêltu suol chu mi pase chunga chun, Sakeibaknei inrûm hlak le savawm inhûk hlak ang hi a nih.

EZEKIEL 19:2

I nu chu ieng am a na? Sakeibakneipui a nih, A bawk a, a têhai châwmin, sakeibaknei tuoihai laia chun.

DANIEL 7:5

Chun, ngai ta, sahrâng dang, a pahnina chu, savawm ang, a khingkhata indawm kâng a na, a baua a hahai kârah chun nâkru pathum a um a; chun a kuoma chun, ‘Tho la, taksa tamtak fa zo vawng rawh,’ an ta.

HOSEA 13:8

Savawm a tê chân angin anni chu thâwng ka ta, An lung tuomtuhai chu keithlêr vawng ka ta, Chu hmuna chun sakeibaknei angin Anni fa zo ka tih; Ramsain a kei dar vawng ding angin.

RORELTUHAI 18:25

Dan mihai chun a kuomah, “Keini lai hin ṭawng mei mei naw ta khai, chuong naw chun chu mi lunginrawm kut tuor rawi i tih; nang le i sûnghai hringna chân el rawi in tih,” an ti a.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.

1 SAMUEL 17:50

Chuongchun, David chun Philistin mi chu vailungdêng le lungin a ngam a, Philistin mi chu a dêng a, a that ta a; David chun kâwlhnâm a chawi dêr naw a.

1 SAMUEL 23:23

Chuleiin, ân bîkhmangna hmun po pohai hre vawng bak unla, chun, ka kuomah hung nâwk ngei ngei unla: chun, nangni leh ka fe ve ding a nih: chun, hi ramah a um phawt chun Juda mi sâng tamtak laia inthawk chun zawng suok ka tih,” a ta.