2 SAMUEL 17:25 - Pathien Lekhabu Inthieng (BSI)

²⁵ Chun, Absalom chun, Joab aiah Amasa chu sipaihai hotuah a sie a. Amasa chu mi pakhat a hming Ithra, Ismael mi, Joab nu Zeruia zuorpuinu Nahas naunu Abigail pâwltu naupa a nih.

2 SAMUEL 17:25 ပူးပေါင်းရင်းမြစ်များ

2 SAMUEL 17:26

Chun, Absalom le Israel mihai chun Gilead rama chun ṭhanghmun an va khuor a.

2 SAMUEL 19:13

Chun, Amasa kuomah, ‘Ka ru le ka tisa i ni naw am a nih? Joab aia ka hmaa sipaihai hotua ka siem nawtâk che leh Pathienin a law law mi law el raw se, chu nêka nasa khawmin,’ a ti a, va ti ro,” tiin mi a tir a.

2 SAMUEL 19:14

Chuongchun, Judahai po po lungril chu mi pakhat lungril ang elin a sukthle ta duol a; chuongchun, lal kuomah, “I mihai po po le khan hung kîr nâwk ro,” ti dingin mi an tir ta a.

2 SAMUEL 20:4

Chun, lal chun Amasa kuomah, “Ni thum sûngin Juda mihai mi ko khâwmpêk la, chun, nang khawm hung ṭhang ve bawk la,” a ta.

1 LALHAI 2:28

Chun, chu thu chu Joab chun a lo hriet a, Joab chu Absalom tieng khan a ṭhang naw a chu, Adonija tienga ṭhang a ni si a. Chuongchun, Joab chu Lalpa Puon inah a tlân a, maichâm kihai chu a va chel ta a.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet lova a thaw a, kâwlhnâma a that leiin Lalpain a thisen chu ama lu chung ngeiah hung inlêttir a tih.

1 LALHAI 2:5

Chun, Zeruia naupa Joab mi thawzie, Israelhai sipai hotu pahni Nera naupa Abner le Jether naupa Amasa hai a thawzie ngei kha i hriet a. Khânga a that a, inrem laia indo lai thisen insuoin ân suo a, a kâwnga a kâwngkhi le a kekawk buna indona thisen a sukkaizie hai kha.

1 CHANCHIN SUINA 12:19

Saula do dinga Philistin mihai le an hung lai khan, Manasse mi ṭhenkhat chu David tienga chun an pakai a; nisienlakhawm, anni chun an lo ṭhangpui naw a; Philistin mi hotuhai chun, remruotin ama chu an tir hmang a, “A hotupa Saula kuoma hin pakai a ta, ei lu inhmang rawi ei tih,” an ti si a.

1 CHANCHIN SUINA 2:13

Chun, Jessai chun a nau lutîrah Eliab a nei a, a pahnina chu Abinadab a na, a pathumna chu Simea a na;