2 SAMUEL 17:23 - Pathien Lekhabu Inthieng (BSI)

²³ Chun, Ahithophel chun a remruot ang chu an pawm nawh ti a hrietin a sabengtung chu a siem a, a suok a, a khuo tieng a fe ta a, a sûnghai khawsak dân ding a ruotpêk diem a, ân âwkhlum ta a; chuongchun, a thi a, a pa thlânah an phûm ta a.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Chun, Absalom chun inthâwinahai chu ân hlân laiin, Gilon mi Ahithophel, David rorêlpui chu, a khuo Gilo a inthawkin ân cha a, an thu phierrûuk chu a nasa hle el a. Absalom tieng chun mipui chu an pung tul tul el si a.

2 SAMUEL 15:31

Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw Lalpa, Ahithophel remruot chu invêtnaa inchangtir dingin ka ngên che,” a ta.

2 SAMUEL 16:23

Chuong laia rem a ruot, Ahithophel remruothai chu, Pathien thu ngai anga ngai a ni hlak a, chuong ang bawk chun, Ahithophelin David le Absalom rem a ruotpuihai po po chu ngai a ni hlak.

2 SAMUEL 17:22

Chuongchun, David le a kuoma mi um po pohai chu an suok a, Jordan vadung an kai a, khuo a hung var chun pakhat khawm Jordan vadung kai lo an um nawh.

1 LALHAI 16:18

Chun, Zimri chun khuo chu an lâk tah ti a hriet chun, lal ina kula chun a tlânlût a, lal ina chun ân râwkhum a, a thi ta a.

2 LALHAI 20:1

Chuong lai chun Hezekia chu thi ngamin a na a. Chuongchun, Amoz naupa zâwlnei Isai chu a kuomah a hung a, a kuomah, “Lalpa chun hieng ang hin a tih, ‘I sûnghai um dân ding rêl fel rawh; i thi ding a ni si a; dam suok naw ti nih’tiin”a ta

JOB LEKHABU (THE BOOK OF JOB) 31:3

Mi fello ta dingin vângduoina, Rîtlona thawtuhai ta dingin sietna a ni naw am a nih?

INPÂKNA HLABU 109:20

Chuong chu a mi dotuhai le ka hringna hrilsetuhai, Lalpain a thungna a na.

INPÂKNA HLABU 5:10

Aw Pathien, annirawi hi thiemnaw inchangtir la. Anni remruotnahai ngei chu tlûk phâna dingin hmang raw hai se; An bawsietna tamtakhai lei hin nam suok la. I chungah an hel si a.

INPÂKNA HLABU 55:23

Nisienlakhawm, aw Pathien, nangin anni chu bohmangna khura chun infe thlâktir i ta, Thisen insuo hmang ke le hlêm hmang mihai chu an dam sûng chenve khawm dam naw ni hai: Kei ruok chun nang chu ring ka ti che.

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

THUVARHAI 19:3

Mihriem invêtna chun a lampui chu a sukkâwi a, A lungril chu Lalpa chungah a lungsen hlak.

ISAI 38:1

Chuong lai chun Hezekia chu thi ngamin a na a; Chun, Amoz naupa zâwlnei Isai chu a kuomah a hung a, a kuomah, “ Lalpa chun hieng ang hin a tih, ‘I sûnghai khawsak dân ding rêlpêk rawh; dam suok lovin, i thi ngei ding a ni si a,’ tiin,” a ta.

MATTHAI 27:5

Chun, ama chun tangka chu hmun inthienga chun a pei lût a; a fe hmang a, a vân âwkhlum ta a.