2 SAMUEL 17:16 - Pathien Lekhabu Inthieng (BSI)

¹⁶ Chuleiin, ‘Vawizân chu thlalêra vadung kaiahai riek ta lovin kân ngei ngei rawh, chuong naw chun lal le a kuoma um po pohai chu sukbohmang vawng rawi an tih,’ tiin David chu inhriltir vak ro khai,” a ta.

2 SAMUEL 17:16 ပူးပေါင်းရင်းမြစ်များ

2 SAMUEL 15:14

Chun, David chun Jerusalema a mihai po po kuoma chun, “Tho unla, tlân suok ei tiu, tukhawm Absaloma inthawk hin ei suok thei âwm si naw a, suok vak ro khai, chuong naw chun mi hung hnawt phâk vak el a tih; ei chunga hin thil ṭha nawtak hung intlun a ta, kâwlhnâmin khuo hi hung thaw rawi a tih,” a ta.

2 SAMUEL 15:28

Ngai ta, kei chu chanchin in mi hung inhriettir hmakhat chu thlalêra vadung kaiahai hin lo um ka tih,” a ta.

2 SAMUEL 15:35

Chutaka chun thiempu Zadok le Abiathar khawm an um ve a ni naw am a nih? Chuongchun, hieng hi hung nîng a ta, lal ina thu suok i hriet taphawt chu thiempu Zadok le Abiathar hril hlak i ta.

INPÂKNA HLABU 35:25

An lungrilin, “Chei! chuong ang chu a ni annâwm ei dit chu,” ti naw raw se. “Ama chu ei lem zo tah,” ti naw bawk raw se.

INPÂKNA HLABU 55:8

Thli hrâttak le, thlipui hi, Inbîkna hmunah ka mâksan vak ding bah,” ka ti a.

INPÂKNA HLABU 56:2

Ka hmêlmahaiin sûnnithlâkin mi lem zo an tum a, Chapotaka mi thawtuhai hi an tam si a.

INPÂKNA HLABU 57:3

Mi lem zo tumtu chun a mi hrilsiet pha chun, Ama chun vâna inthawkin hung tir a ta, mi sanhim a tih: Pathienin a ngilneina le a thutak hung tir suok a tih.

1 KORINTH 15:54

Chuongchun, hi hmawnthei hin hmawntheinawna a sila, hi thithei hin thitheinawna a sil pha chun, “Hnenain thina a lem zo tah,”

2 KORINTH 5:4

sil lova um ei nuom lei a ni naw a, sil thuoa um ei nuom lei a nih, thithei hi hringna ilem zoa a um theina dingin.

1 SAMUEL 20:38

Chun, Jonathan chun naupangte chu a ko a, “Hung tlân vak rawh, inhmaw rawh, muong naw rawh,” a ta. Chun, Jonathan naupang chun thal chu a rût khâwm a, a pu kuom tienga chun a fe ta a.