2 SAMUEL 17:11 - Pathien Lekhabu Inthieng (BSI)

¹¹ Keia remruot ve dân chu, Israel mi po po chu Dana inthawkin Beer-seba tlung rakin an tamzie tuipui kama phaiphin zât zetin i kuomah ko khâwm la; chun, indonaa khawm chun nang meu khawm fe ve la.

2 SAMUEL 17:11 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 21:14

Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir ta a; chuongchun, a fe a, Beer-seba thlalêra chun ân vâk ân vâk ta a.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

2 SAMUEL 12:28

Chuongchun, mi la umhai po po chu ko khâwm la, khawpui chu do tumin ep la, la rawh, keiin khawpui chu ka lâk chun chu ka hming put el rawi a tih,” a ta.

2 SAMUEL 24:2

Chun, lal chun a kuoma um sipai hotu Joab kuoma chun, “Israel hnam po po lai hin Dana inthawka Beer-Seba chenin invâk vêl la mi ieng zât am an ni ka hriet theina dingin tiem vawng ro,” a ta.

2 SAMUEL 3:10

Saula sûnghaia inthawka ram chu lâkpêk a, Israel le Judahai chungah Dana inthawka Beer-seba chena David lalṭhungpha tungding dinga ka va thaw naw chun,” a ta.

1 LALHAI 20:10

Chun, Benhadad chun a kuomah mi a tir nâwk a, “Ka hnungzuituhai po po hin Samari khaw pilvut veikhat chau khawm an changkim thei ding chun pathienhaiin an law law mi law hai sienla, chu nêka nasa khawm a,” a ta.

1 LALHAI 4:20

Judahai le Israelhai chu tuisuoriet pang ṭieu phaiphin zât zetin an tam a: an fâkin an dâwn a, hlimtakin an um hlak a.

INPÂKNA HLABU 9:16

Lalpa chun ân hriettir a, rorêlna chu a tirsuok ta a, Mi rilo chu ama kutsuok ngeia chun a âwk hlak.

JOSUA 11:4

An sipai ruolhai leh mi tamtak, an tam tieng chu tuipui kama phaiphin zât zet, sakawr le tawlailîr tamtak leh an inthawk ta a.

RORELTUHAI 20:1

Chuongchun, Israel thlahai po po chu an inthawk tâwl ta a, thukhat chelin, Dan khuoa inthawka Beer-seba chenin, Gilead rama mihai leh, Mizpaah Lalpa kuomah an inkhâwm ta a.

1 SAMUEL 13:5

Chun, Philistin mihai chu Israelhai do ding chun an pungkhâwm ta ṭeu el a, tawlailîr sîng thum, sakawr chung chuong mi sâng ruk, sipai chu tuipui kama phaiphin zât zet an nih; chun, an hang fe a, Beth-aven saktieng panga Mikmasa chun ṭhanghmun an khuor a.

1 SAMUEL 3:20

Chuongchun, Dana inthawka Beerseba tlung rakin Israel mi po pohai chun Samuel chu Lalpa zâwlnei dinga sukdet a ni tah ti an hriet ta a.