2 SAMUEL 17:10 - Pathien Lekhabu Inthieng (BSI)

¹⁰ Chuongchun, mi huoisentak, sakeibaknei lungril ang put mi meu khawm lo ṭîng a ta, Israel mi po po hlak chun i pa chu sipai huoitak a ni le a kuoma mi umhai chu mi huoisentak tak an ni ti an hriet vawng si a.

2 SAMUEL 17:10 ပူးပေါင်းရင်းမြစ်များ

INṬANNA 49:9

Juda hi sakeibakneite a nih; Ka naupa, i sase chu i hang fesan ta a, A kûn a, sakeibakneichal angin a bawk a, Sakeibakneipui ang bawk siin, tuin am suktho ngam an ta?

2 SAMUEL 1:23

Saula le Jonathan umdân chu dit a umin a mâwi a, An thi khawma an inṭhe nawh; Mupuihai nêkin an ṭuonrang lem a, Sakeibakneihai nêkin an hrât lem.

2 SAMUEL 17:9

Ngai ta, tu khawm hin khaw lai khursûnga manih, khawlai hmuna manih ân bi zing a ni ding a na; chun, an inthaw tîra mi ṭhenkhat an tlu nuol chun a hre taphawtin, ‘Absalom zuituhai chu an that ṭeu el ie,’ ti el an ta.

2 SAMUEL 23:20

Chun, Kabzeel mi huoi naupa Jehoiada naupa Benaia thil nasatak thawtu chun Moab mi Ariel naupasal pahnihai chu a that a; chun, a zu fe a, vûr tlâk hun laiin khursûngah sakeibaknei a zu that bawk a.

INPÂKNA HLABU 89:19

Chuong lai chun i mi inthienghai kuomah inlârnaah thu i hril a, “Mi pakhat hrâttak chunga chun ṭhangpuina kân nghat a, Mi pakhat, mihai laia inthawka thlang suok chu ka chawimawi ta a.

FESUOKNA 15:15

Tuhin Edom lalhai chu an lunginzîng a, Moab mi hrâthai chu inthinnain a man a, Kanaan hluotuhai po po chu an intui zo ta a.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

HLAHAI HLA 3:7

En ta, a khum hi, Solomon ta hi, Mi thilthawtheitak sâwmrukin an inhuol a, Israel mi hrât khawkhênghai chun.

ISAI 13:7

Chuleiin, kut po po chu hrât naw ni a, mihriem lungril tinrêng khawm intuihmang a tih;

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

EZEKIEL 21:15

An dâi kawtkhârhai po poah chun kâwlhnâm inzum chu kân nghat a, an lungrilhai chu a hung intui a, mi tamtak an tlûk theina dingin. E, kâwlinlep anga siem a ni chu aw! dettaka chel a ni ta a.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.

1 SAMUEL 18:17

Chun, Saula chun David kuomah, “Ngai ta, ka naunuhmei upa lem Merab hi nuhmeiah inneitir ka ti che, huoitakin mi ṭan phawt el la. Lalpa indonahai chu do rawh,” a ta. Saula chun, “Kei chun chu a chunga hin kutthlâk lovin, Philistin mihaiin thlâk lem raw se,” a ti a nih.