2 SAMUEL 16:7 - Pathien Lekhabu Inthieng (BSI)

⁷ Chun, Simei chun ṭawngsie ân phur sûng chun hieng hin a hril a, “Fe hmang dai rawh, fe hmang dai rawh, nang thisen insuo hmang le Belial mihriempa,

2 SAMUEL 16:7 ပူးပေါင်းရင်းမြစ်များ

2 SAMUEL 12:9

Iengtiziea Lalpa thu chu ngainêpa, a mithmua thil ṭha naw i thaw el am a ni leh? Hit mi Uria chu kâwlhnâmin i sukhlum a, a nuhmei chu i nuhmei dingin i neipêk a, Ammon mihai kâwlhnâmin i that a.

2 SAMUEL 16:6

David chu lungin a dêng a, lal David siehlawhai po po khawm chu; chun, mipui po po le sipai huoisenhai po po chu a changtieng le a vawitieng an um a.

2 SAMUEL 19:21

Nisienlakhawm, Zeruia naupa Abisai chun a dawn a, “Lalpa hrieknâl chu ṭawngsie ân phur leiin Simei hi sukhlum ding a ni naw ding am a nih?” a ta.

2 SAMUEL 20:1

Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve naw a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

2 SAMUEL 3:37

Chuongchun, mipui po po le Israel mi po pohai chun Nera naupa Abner thata um chu lal thu a ni nawh ti an hriet ta a.

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

INPÂKNA HLABU 3:2

“Pathiena chun a ta dingin ṭhangpuina hrim a um nawh,” tia, Ka hringna chungchâng thu hriltu tamtak an um.

INPÂKNA HLABU 5:6

Khêl hril hmanghai chu sukbohmang i ta, Lalpain thisen insuo hmang le hlêm hmang mi chu a tirdak rieu hlak.

INPÂKNA HLABU 51:14

Aw Pathien, nang ka sandamna Pathien, thisen insuonahaia inthawk chun mi sanhim rawh; Chuongchun, ka lei hin i felna thu hi hlimtakin hlaah sak a tih.

INPÂKNA HLABU 55:3

A mi dotuhai ri lei le, Mi rilo hnesiena leihaiin. Anni chun suolnain an mîn hlumkhumin, Lunginsenin an mi suknawmna si a.

INPÂKNA HLABU 55:4

Ka sûnga hin ka lungril a na êm êm a, Thina ṭiumhai chun an mi del a.

DÂN PAHNINA 13:13

nangni laia mi dukdaklo ṭhenkhat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

1 SAMUEL 2:12

Eli naupasalhai chu Belial nauhai an na, Lalpa chu an hriet naw a.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.