2 SAMUEL 16:4 - Pathien Lekhabu Inthieng (BSI)

⁴ Chun, lal chun Ziba kuoma chun, “Ngai ta, Mephiboseth thil nei po po chu i ta vawng a ni tah,” a ta. Chun, Ziba chun, “Chibai ka bûk takzet che a nih, aw lalpa ka pu, i mit tlunga um pei tum ka tih,” a ta.

2 SAMUEL 16:4 ပူးပေါင်းရင်းမြစ်များ

2 SAMUEL 14:22

Chun, Joab chu hmaia hnuoi sikin a bawkkhup a, chibai a bûk a, lal chun mal a sâwm a; chun, Joab chun, “Aw lalpa, ka pu chun a siehlaw hnina chu ân hlawtlingtir leiin vawisûn hin i siehlaw hin i mit ka tlung a nih ti ka lo hriet ta a,” a ta.

2 SAMUEL 14:4

Chun, Tekoa khuoa nuhmei chun lal kuoma thu hril ding chun hmaia hnuoi sikin chibai a bûk a, a bawkkhup a, “Aw lalpa, mi ṭhangpui rawh,” a ta.

2 SAMUEL 14:8

Chun, lal chun nuhmei kuoma chun, “I inah fe ta la, i chungchâng thua chun thu pe el ka ti che,” a ta.

2 SAMUEL 16:3

Chun, lal chun “Anleh, i pu naupa chu khâwlai am?” a ta. Ziba chun lal kuomah, “Ngai ta, Jerusalemah a um, ‘Vawisûn hin Israelhai chun ka pa ram an mi pêk nâwk ding a nih,’ a ti nghe nghe annâw,” a ta.

2 SAMUEL 16:5

Chun, lal Davidin Bahurim a tlung chun, ngai ta, Saula sûnghai laia mi Gera naupa a hming Simei a hung suok a, ṭawngsie inphur pum peiin a hung suok a.

2 SAMUEL 19:27

Chun, lalpa ka pu kuoma hin i siehlaw hi a hêk a, nisienlakhawm, lalpa ka pu chu Pathien vântirko ang a na, chuleiin ṭha i ti ang angin thaw el rawh.

2 SAMUEL 9:6

Chun, Saula nau Jonathan naupa Mephiboseth chu David kuoma chun a hung a, a hmaia hnuoi sikin chibai a bûk a. Chun, David chun, “Mephiboseth,” a ta. Ama chun, “En ta, i siehlaw hi,” a ti a, a dawn a.

2 SAMUEL 9:9

Chuongchun, lal chun Saula siehlaw Ziba chu a ko a, a kuomah, “Saula thil po po le, a sûnghai thilhai po po chu i pu naupa hi ka pêk vawng a nih.

FESUOKNA 23:8

Chun, thamna i lâk ding a ni nawh, thamna chun hmutheina neihai khawm an mit a sukdel a, mi fel thuhai khawm a keikâwi hlak si a.

THUVARHAI 18:13

A hriet hmaa dawnna petu chu, A ta dingin inzakum le invêtna a nih.

THUVARHAI 18:17

Ama chungthu hril hmasatu chu indik âwmin ân lang a, Nisienlakhawm, a tuolbâwm chu a hung a, a hung phawr lang hlak.

THUVARHAI 19:2

Lungril hrietthiemna bo khawm chu a ṭha chuong naw a, Chun, a kehai tir inhmâwtu chun a suksuol hlak.

DÂN PAHNINA 19:15

“Mi a rîtlona amanih, a suolna hrim hrim amanih hretu pakhat chau chu huntâwk naw nih; hretu pahni bâu amanih, hretu pathum bâu amania sukdet ding a nih.