2 SAMUEL 16:22 - Pathien Lekhabu Inthieng (BSI)

²² Chuongchun, Absalom ta ding chun in chungah puon in an zar a; chuongchun, Israel mi po pohai mithmuah a pa thâikêmhai kuoma chun a lût a.

2 SAMUEL 16:22 ပူးပေါင်းရင်းမြစ်များ

INṬANNA 35:22

Israel chu chu rama a um lai chun, Reubenin a pa thaikêm Bilha chu a va zâlpui a; chun, Israel chun chu chu a hriet a. Tuhin Jakob naupasalhai chu sâwmpahni an ni tah.

2 SAMUEL 11:2

Chun, zântieng nisa innêma chun hieng hi a hung na, David chu a khuma inthawk chun a tho a, lal in inchunga chun a hang lêng a; chun, inchunga inthawk chun nuhmei pakhat insil lai hi a hei hmu a, chu nuhmei chu hmêl ṭhatak a nih.

2 SAMUEL 15:16

Chun, lal chu a suok a, a sûnghai po po chun an zui a. Chun, lal chun in nghâk dingin nuhmei sâwm thaikêm ruol chu a sie a.

2 SAMUEL 20:3

Chuongchun, David chun Jerusalema a in chu a tlung a; chun, lal chun nuhmei sâwm a thaikêmhai in nghâk dinga a siehai chu a ṭhuoi a, a khum a, an fâk ding a pêk a, nisienlakhawm, an kuomah a lût naw a. Chuongchun, an thi ni chena khuma umin, hmeithaiin an um ta a.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.

JEREMIA 3:3

Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

EZEKIEL 24:7

A thisen chu ama sûnga chun a um si a, lungpui ruok chunga chun ân suo a; pilvuta zuk vurkhum theina ding, leihnuoi chunga chun a bunthlâk si naw a.

NAMBAR 25:6

Chun, ngai ta, Israel laia mi pakhatin intuokna puon in kawtkhâra a ṭap lai takin Mosie mithmua le Israel mi pungkhâwmhai mithmuah Midian nuhmei pakhat a unauhai kuomah a hung ṭhuoi a.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.