2 SAMUEL 16:21 - Pathien Lekhabu Inthieng (BSI)

²¹ Chun, Ahithophel chun Absalom kuomah, “I pa thaikêm in nghâka siea umhai kuoma chun va lût rawh; chun, Israel mi po poin i pain a thîm che ti hrieng an ta, chuongchun, nanga tienga ṭhang po pohai kut chu a hung hrât ding a nih,” a ta.

2 SAMUEL 16:21 ပူးပေါင်းရင်းမြစ်များ

INṬANNA 34:30

Chun, Jakobin Simeon le Levi kuoma chun, “Nangnîn hi rama um Kanaan mihai le Periz mihai laia hin, theida in mîn phurtirin in mi suklungzîng hle a nih; kei tlâwmte ka ni leiin mi thaw dingin hung inpun khâwm an ta, mi that el an tih; chuongchun, sukbohmangin um ka tih, kei le ka sûnghai le hin,” a ti a.

INṬANNA 35:22

Israel chu chu rama a um lai chun, Reubenin a pa thaikêm Bilha chu a va zâlpui a; chun, Israel chun chu chu a hriet a. Tuhin Jakob naupasalhai chu sâwmpahni an ni tah.

INṬANNA 38:16

Chuongchun, lampui sîra nuhmei tieng chu a va pan a, “Hung ta, lunginsiettakin zâl hmunkhat ei tih,” a ta; a mo kha a nih ti a hriet si naw a. Ama chun, “I mi zâlpui chun iengam mi pêng i ta?” a ti a.

INṬANNA 6:4

Chuong lai le chu hnunga khawm, Pathien naupasalhaiin mihiem naunuhmeihai chu an pâwl a, anni leh nauhai an nei hlak lai khan Nephilimhai chu hnuoia hin an um a; chuonghai chu tienlaia mi hrât, indothiem hming inthanghai chu an nih.

2 SAMUEL 10:6

Chun, Ammon mihai chun David theida zâwng an lo ni tah ti an hung inhriet chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an incha a, an ruoi a.

2 SAMUEL 12:11

Lalpa chun hieng ang hin a ti a nih, ‘Ngai ta, nangma sûngkuo laia inthawk ngeiin i chungah thil ṭha naw insuoktir ka ta, i mithmu ngeiah i nuhmeihai chu lâkpêk ka ti che a, i vênghai pêng ka ta, sûn khawvarah i nuhmeihai chu zâlpui an tih.

2 SAMUEL 13:5

Chun, Jonadab chun a kuomah, “I khumah zâl zing la, damnaw tehlêm thaw la, chun, i pain a hung en pha che a kuomah, ‘Ka hni che a nih, ka farnu Tamar kha ka kuomah hung sienla, bei fâk ding mi hung pe sienla; chun, ka hmu theiah, ka mithmu ngeiah fâk ding mi buotsaipêk raw se; a kuta inthawk ngeiin lo fâng ka tih,’ lo ti raw khai,” a ta.

2 SAMUEL 15:16

Chun, lal chu a suok a, a sûnghai po po chun an zui a. Chun, lal chun in nghâk dingin nuhmei sâwm thaikêm ruol chu a sie a.

2 SAMUEL 16:20

Chuongchun, Absalom chun Ahithophel kuoma chun, “Iengtin am ka thaw ding a na, i ngaidân hril ta?” a ta.

2 SAMUEL 17:7

Chun, Husai chun Absalom kuomah, “Tuta ṭuma Ahithophel remruot hi a ṭha naw a nih,” a ta.

2 SAMUEL 2:7

Chuongchun, in kuthai chu hung hrât sienla, huoitakin um ro, in lalpa Saula chu a thi ta si a; chun, Juda chihai chun an chunga lal dingin hriek an mi nâl ta bawk a,” a ta.

2 SAMUEL 20:3

Chuongchun, David chun Jerusalema a in chu a tlung a; chun, lal chun nuhmei sâwm a thaikêmhai in nghâk dinga a siehai chu a ṭhuoi a, a khum a, an fâk ding a pêk a, nisienlakhawm, an kuomah a lût naw a. Chuongchun, an thi ni chena khuma umin, hmeithaiin an um ta a.

1 LALHAI 11:25

Hadad sukrinumna belsain Solomon dam sûng po chu Israelhai hmêlma an ni rawp hrim a; Israelhai chu a theida hle el a, Suria ram sûnga chun ro a rêl a.

1 LALHAI 2:17

Chun, ama chun, “Ka hni che a nih, lal Solomon kuoma chun hril la, (i thu chu a sêl âwm si naw a) Sunam mi Abisag hi nuhmeiah mîn neitir raw se,” a ta.

1 LALHAI 2:22

Chun, lal Solomon chun a dawn a, a nu kuoma chun, “Iengtiziea Sunam mi Abisag hi Adonija ta dinga hni am i ni leh? Ram khawm hi hnipêk law law ta la; ama chu ka u a ni annâwm, ama ta ding le thiempu Abiathar ta ding le Zeruia naupa Joab ta ding khawma hni raw chu,” a ta.

LEVI DÂN 18:8

I pa nuhmei saruokna i hlîm ding a ni nawh, i pa saruokna a nih.

LEVI DÂN 20:11

Pahai nuhmei zâlpuitu chu mâni pahai saruokna hlîmtu a na, sukhlum ve ve ngei ding an na, an thisen maw chu an chunga um a nih.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

1 KORINTH 5:1

Nangni lai inditna pawrche a um ti ân thang veng vung a nih, chuong ang inditna chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 SAMUEL 13:4

Chun, Israelhai po po chun Saula chun Philistin râl vêngtu sipaihai a thaw ti le Israelhai khawmin Philistin mihai theida an phur a nih ti an lo hriet ta a. Chuongchun, a mipuihai chu Gilgala chun Saula kuomah an pungkhâwm ta ṭeu el a.

1 SAMUEL 27:12

Chun, Akis chun David thuhril chu awiin, “Ama le ama hi Israel mihai ân theidatir ta hle el a, chuleiin, kumkhuoin ka siehlawah um a tih, ” a ta.