2 SAMUEL 16:2 - Pathien Lekhabu Inthieng (BSI)

² Chun, lal chun Ziba kuoma chun, “Hieng hi iengtizie am a ni a?” a ta. Ziba chun, “Sabengtunghai hi lal sûnghai chuongna ding nîng a ta, bei le nipui theihai hi tlangvâlhai fâk ding nîng a ta; uoin hi chu thlalêra châu taphawthai dâwn ding nîng a tih,” a ta.

2 SAMUEL 16:2 ပူးပေါင်းရင်းမြစ်များ

INṬANNA 21:29

Abimelek chun Abraham kuomah, “Berâmte a la pasari a tuma i sie hi ieng tina am a na?” a ta.

INṬANNA 33:8

Esau chun, “Ran ruol ka întuokpui zozaihai kha ieng i tina am a ni a?” a ti a. Jakob chun, “Ka lalpa, i lunginsietna ka hmu theina dingin ka ti a nih,” a ti a.

2 SAMUEL 15:1

Chuong thil hnunga chun Absalom chun tawlailîr le sakawrhai le mi sâwmnga a hmaa tlân dingin a buotsai a.

2 SAMUEL 15:23

Chun, inringtakin a ram phêkin an ṭap ta a, mipui chu an fe vawng a; thlalêr lampui tieng chu panin lal khawm chun Kidron vadung chu a kân a; chun, mipui po po chun an kân bawk a.

2 SAMUEL 17:29

khuoizu dâm, bâwng nêne kîng dâm, berâm le bâwng nêne kîng thûm dâm, David le a kuoma mi umhai fâk dingin an hung chawi a, “Mipuihai chu thlalêra chun an phîngṭamin an chauin an dang châr êm êm ta a nih,” ti a ni si a.

2 SAMUEL 19:26

Chun, ama chun a dawn a, “Aw, lalpa ka pu, ka siehlawin a mi hlêm a nih; i siehlaw hin, ‘Lal kuoma ka fena dingin sabengtung chei ka tih,’ ka ti a, i siehlaw hi ka ke ân bâi si a.

EZEKIEL 37:18

Chun, i chipuihai thlahai chun i kuomah, ‘Hi ieng i tina am a na, i mîn entir naw ding maw?’ an ti pha chun,

RORELTUHAI 10:4

Ama chun naupasal sâwmthum, sabengtungte sâwmthum chunga chuong hlak mi a nei a, chun, Gilead rama chun khaw sâwmthum an nei a, chuong chu tu chen hin Havvoth-jair an tih.

RORELTUHAI 5:10

Nangni sabengtung vâr chunga chuonghai, Nangni puondâp sataka ṭhunghai, Nangni lampuia inlawnhai,chuong thu chu puong ro.

1 SAMUEL 14:28

Chuongchun, mipui laia mi pakhat chun a lo dawn a, “I pa chun mipuihai hi, ‘Vawisûna bu fa taphawt chu ṭawngsephurin um raw se,’ tiin a mi vau tlat a, mipuihai khawm an chau hle hrim a,” a ta.

1 SAMUEL 25:27

Chun, hi ka pu ta dinga i siehlawin lâwmman ka hung chawi hi ka pu hung zuitu tlangvâlhai hi pêk ni raw se.