2 SAMUEL 16:10 - Pathien Lekhabu Inthieng (BSI)

¹⁰ Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? Lalpain a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

2 SAMUEL 16:10 ပူးပေါင်းရင်းမြစ်များ

INṬANNA 50:20

Nangni chun ka chungah thil suol thaw in lungril a; nisienlakhawm, Pathien chun, vawisûna an um ang ngei hin, mi tamtak dama sanhimna dingin thil ṭhaa inchangtir a lo lungril lem a ni si a.

2 SAMUEL 19:22

Chun, David chun, “Nangni Zeruia naupasalhai, nangni hin in mi lo hriet pêk ding ieng am a um a? Vawisûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

2 SAMUEL 19:23

Chun, lal chun Simei kuoma chun, “Thi naw tawp i tih,” a ta. Chun, lal chun a kuomah ṭawng ân khâm ta a.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

1 LALHAI 2:5

Chun, Zeruia naupa Joab mi thawzie, Israelhai sipai hotu pahni Nera naupa Abner le Jether naupa Amasa hai a thawzie ngei kha i hriet a. Khânga a that a, inrem laia indo lai thisen insuoin ân suo a, a kâwnga a kâwngkhi le a kekawk buna indona thisen a sukkaizie hai kha.

2 LALHAI 18:25

Chun, hi ram hi Lalpa thu ni lova sukse dinga hung am ka nih? Lalpain ka kuomah, ‘Chu ram chu hang thaw la, sukse rawh, a ti a nih,’ tiin,” a ta.

JOB LEKHABU (THE BOOK OF JOB) 9:12

En ta, a lâk el a, tuin am dang thei a ta? ‘Ieng am i thaw a?’ tuin am a kuomah tîng a ta?

INPÂKNA HLABU 39:9

Nangma thaw a ni leiin, Ka ṭawng naw a, ka bau ka ka bawk nawh.

THUHRILTU 8:4

Lal thu chun thilthawtheina a nei leiin, tuin am a kuomah, “Ieng am i thaw a” ti thei a ta?

ṬAP HLA 3:37

Lalpain thu a pêk naw laia, a hril a, hung tlung el hlak chu tu am a na?

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

MATTHAI 16:23

Ama ruok chu a ngha a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo lovin mihriem thil i ngaituo lem a ni hi,” a ta.

MATTHAI 8:29

Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

JOHAN 18:11

Chuongchun, Isûn Peter kuomah, “Kâwlhnâm kha a bâwmah thun rawh; Pain no, kei a mi pêk hi ka dâwn naw ding am a nih?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:20

Nisienlakhawm, aw mihriem, Pathien sêl veitu chu tû am i ni lie? Thilsiem chun a siemtu kuomah, “Ieng dinga hieng anga i mi siem am a na?” a ti ding am a nih?

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu Lalpa a ni chun thilinhlân chu pawm hrâm sienla; mihriem nauhai an ni ruok chun Lalpa hmaah ṭawngsephurin um raw se, ‘Fe la, pathien danghai rawng bâwl rawh,’ tia Lalpa ro ka hluo thei nawna dinga vawisûn hin an mi hnawt hmang ka ni si a.