2 SAMUEL 15:32 - Pathien Lekhabu Inthieng (BSI)

³² Chun, David chu Pathien biekna tlâng sîp a hang lâwn kai chun, ngai ta, Ark mi Husai chu a zakaw keithlêr hâka, a lua pilvut kâi hluomin ama tuok dingin a hung a.

2 SAMUEL 15:32 ပူးပေါင်းရင်းမြစ်များ

2 SAMUEL 1:2

a ni thum ni chun, ngai ta, mi pakhat an ṭhanghmuna inthawk Saula kuoma mi chu a puonhai tlêr nengnungin le a lua pilvut kai nung hin a hung a; chun, David kuomah a hung tlung chun hnuoia bawkkhupin chibai a bûk a.

2 SAMUEL 13:19

Chun, Tamar chun a lua chun vut a phul a, zakawfuol ze tum tuma ṭiel a hâk chu a keithlêr a, a lusîpah a kut a sui a, inringtaka ṭap malam peiin a fe ta a.

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

2 SAMUEL 16:1

David chun tlâng sîp lâwn suokna a khêl dep chun, ngai ta, Mephiboseth siehlaw Ziba chun a lo tuok a, sabengtung pahni a hmang a, bei tlang zahni le grêp emṭâwl bâwr za le nipui thei za le uoin peng khat ân phurtir a.

2 SAMUEL 16:15

Chun, Absalom le mipui po po, Israel mihai chu Jerusalemah an fe a, chun, a kuomah Ahithophel khawm a ṭhang a.

2 SAMUEL 17:5

Chun, Absalom chun, “Tu hin Ark mi Husai chu ko ve phawt unla, a hril ve dân lo ngai phawt ei tih,” a ta.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

1 LALHAI 4:16

Aser le Bealoth khuohaia chun Husai naupa Baana a na;

1 CHANCHIN SUINA 27:33

Ahitophel chu lal remruotpuitu a na, Ark mi Husai chu lal ruolpa a nih;

INPÂKNA HLABU 3:7

Aw Lalpa, tho la, aw ka Pathien; mi sandam rawh! Ka hmêlmahai po po bekbawra chun i benpêk tâwl ta si a; Mi rilohai hahai chu i suktlam a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

LUKA 19:29

Bethphage le Bethani khaw kâwl, Oliv tlâng an ti chu a tlung chun, inchûktirhai laia mi pahni a tir a,

JOSUA 16:2

chun, Bethela inthawk chun Luzah a suok a, Arka mihai ramriah Ataroth chenin a fe pei a,

1 SAMUEL 4:12

Sipai laia Benjamin thla, mi pakhat a tlân a, a puonhai tlêr nung le a lua pilvut kai rakin chu ni ngei chun, Silo chu a va tlung a.